Փաշինյանը ոչ ֆորմալ հանդիպումներ է ունեցել Ստոլտենբերգի, Միշելի հետ
Քաղաքական![Փաշինյանը ոչ ֆորմալ հանդիպումներ է ունեցել Ստոլտենբերգի, Միշելի հետ](/timthumb.php?src=disc/19-07-24/c2a7247b6b7210517c9bcfd1c009423a.jpg&w=780)
Լոնդոնի Բլենհայմյան պալատում ընթացող Եվրոպական քաղաքական համայնքի 4-րդ գագաթնաժողովի շրջանակում վարչապետ Նիկոլ Փաշինյանը ոչ ֆորմալ հանդիպումներ է ունեցել միջազգային գործընկերների հետ:
Մասնավորապես, կառավարության հաղորդմամբ, հանդիպումներ են կայացել Եվրոպական խորհրդի նախագահ Շառլ Միշելի, ՆԱՏՕ-ի գլխավոր քարտուղար Յենս Ստոլտենբերգի հետ:
Հանդիպումների ընթացքում քննարկվել են ինչպես երկկողմ, այնպես էլ միջազգային ասպարեզում տեղի ունեցող գործընթացներին վերաբերող հարցեր:
Լոնդոնում մեկնարկած Եվրոպական քաղաքական համայնքի չորրորդ գագաթնաժողովին մասնակցում է նաև Ադրբեջանի ղեկավարը։ Այսօր ավելի վաղ Երևանն ու Բաքուն միմյանց մեղադրեցին ղեկավարների մակարդակով հայ-ադրբեջանական հանդիպումը տապալելու համար։
![](banners/armflix.jpg)