Լրագրողների հետ քննարկվել են ՆԳՆ ռազմավարական հաղորդակցության խնդիրները․ քննարկում Ծաղկաձորում

ՀՀ քննչական կոմիտեի, ՀՀ Ներքին գործերի նախարարության նախաձեռնությամբ և Հայաստանում ԱՄՆ դեսպանատան աջակցությամբ Ծաղկաձորում հուլիսի 19-20-ին հայաստանյան տարբեր լրատվամիջոցների շուրջ երկու տասնյակ լրագրողների մասնակցությամբ անցկացվել է «Իրավապահ մարմիններ-մեդիա համագործակցության բարելավում» խորագրով վերապատրաստում-քննարկում։

Այն ուղղված էր ՀՀ քննչական կոմիտեի և ՀՀ Ներքին գործերի նախարարության կողմից, հանրային ռազմավարական հաղորդակցության շրջանակներում լրատվամիջոցների և լրագրողների աշխատանքային հարաբերությունների բարելավմանը, հաղորդակցության ընթացքում ի հայտ եկող պրակտիկ խնդիրների քննարկմանը, երկու գերատեսչություններում իրականացվող բարեփոխումների, քրեադատավարական նոր ընթացակարգերի համատեքստում քրեական հետապնդման մարմինների միջև գործառույթների հասցեագրման իրազեկմանը։

Բացման և ողջույնի խոսքով են հանդես եկել ՀՀ քննչական կոմիտեի նախագահի տեղակալ Արսեն Այվազյանը և ՀՀ ներքին գործերի նախարարի տեղակալ Արփինե Սարգսյանը։ Նրանք ընդգծել են միջոցառման նշանակությունը իրավապահ մարմիններ-մեդիա հարաբերությունների համակարգային հենքի ամրապնդման ճանապարհին առկա խնդիրների քննարկման, հետադարձ կապի ապահովման առումով և շնորհակալություն են հայտնել ԱՄՆ դեսպանատան թմրամիջոցների դեմ պայքարի և իրավական համագործակցության գրասենյակին՝ նման ձևաչափով կարևոր միջոցառմանն աջակցություն ցուցաբերելու համար:

ՀՀ քննչական կոմիտեի նախագահի մամուլի քարտուղար Գոռ Աբրահամյանը և ՀՀ ՆԳ նախարարի մամուլի քարտուղար, ՆԳՆ հանրային հաղորդակցության և իրազեկման վարչության պետ Նարեկ Սարգսյանը ներկայացրել են իրենց գերատեսչությունների կողմից իրականացվող հանրային ռազմավարական հաղորդակցության սկզբունքները, ներքին կանոնակարգումները, այս ոլորտում իրականացվող գործունեության ուղղությունները, առաջնայնություններն ու խնդիրները։ 

Քննարկվել են նաև ՀՀ քննչական կոմիտեում և ՆԳՆ ոստիկանությունում իրականացվող բարեփոխումները, ճգնաժամային հաղորդակցության առանձնահատկությունները, ժողովրդավարական արժեքների համատեքստում կարծիքի արտահայտման ազատության հետ կապված խնդիրները։ Մեդիափորձագետների մասնակցությամբ արծարծվել են նաև քրեական–իրավական ոլորտում տեղեկատվական անվտանգության, կիբեռիրազեկման և մեդիագրագիտության, ինչպես նաև փաստերի ստուգման գործիքների կիրառման արդիական հարցեր։

ՀՀ քննչական կոմիտեի նախագահի տեղակալ Արսեն Այվազյանը մանրամասն ներկայացրել է վերջին տարիներին ՀՀ քննչական կոմիտեում կատարված բարեփոխումների նպատակներն ու թիրախները, արդեն իսկ արձանագրված դրական արդյունքները։ Արսեն Այվազյանը հանգամանորեն անդարդարձել է նաև նոր քրեադատաիրավական ընթացակարգերի շրջանակում Քննչական կոմիտեի գործառույթներին՝ կապված քրեական վարույթների նախաձեռնման, մեղադրանքների ներկայացման, խափանման միջոցների կիրառման հետ, ինչպես նաև՝ քրեական վարույթների շրջանակներում իրավապահ մարմինների գործառույթների բաշխմանը, դրանց կապակցությամբ տրամադրվող հանրային տեղեկատվության առանձնահատկություններին և սահմանափակումներին։

ԱՄՆ դեսպանատան թմրամիջոցների դեմ պայքարի և իրավական համագործակցության գրասենյակի ներկայացուցիչ Մարիցա Հովհաննիսյանը ներկայացրել է ԱՄՆ-ի աջակցությամբ ՀՀ քննչական կոմիտեի և ՀՀ ՆԳՆ-ի կարողությունների զարգացմանն ուղղված ծրագրերի ընդհանուր շրջանակը։

Սեմինար-քննարկման ընթացքում ծավալվել է շահագրգիռ, օգտակար երկխոսություն։ Մասնակիցների կողմից նման ձևաչափով հանդիպումներն օգտակար են գնահատվել՝ դրանք շարունակական դարձնելու ակնկալիքով։ 

Այս թեմայով Զելենսկին քննարկում է ունեցել Շոլցի հետ ԱԺ պատգամավորը Դանիայից պատվիրակության հետ հանդիպմանը բարձրաձայնել են ԼՂ-ից բռնի տեղահանված հայերի խնդիրները Սեպտեմբերի 7-ին, ժամը 10:30-ին, «Անի պլազա» հյուրանոցում տեղի կունենա հանդիպում․ Բագրատ Սրբազան Անահիտ Ավանեսյանը Գեղարքունիքի մարզում է․ քննարկում են քաղցկեղի վաղ հայտնաբերման ծրագրերը Քննարկվել են ՀՀ-ի դեմ Մարդու իրավունքների եվրոպական դատարանի վճիռների կատարմանը վերաբերող հարցեր Կլոուների նախաձեռնությունները լուրջ չեն քննարկում. Ստեփան Դանիելյան «Տգեղ է, ձեզ չի սազում». Քննարկում ԱԺ-ում Քննարկվել են Հայաստանի կողմից ՄԻԵԴ վճիռների կատարման ընթացքը և այդ ուղղությամբ ձեռնարկվող միջոցները Դիտարկվել են Շվեդիայի Ֆոլկե Բերնադոտ ակադեմիայի աջակցության հնարավորությունները. աշխատանքային քննարկում ԱԳՆ-ում Ռուս–հայկական մարդասիրական արձագանքման կենտրոնի հետ փոխգործակցության ծրագրերն են քննարկվել