Փրկարարները կանխել են քաղաքացու ինքնասպանության փորձը
Արտակարգ Պատահար![Փրկարարները կանխել են քաղաքացու ինքնասպանության փորձը](/timthumb.php?src=disc/23-07-24/39513838d881484e397cc1b5d71c7b76.jpg&w=780)
Կանխվել է երիտասարդի ինքնասպանության փորձը
Հուլիսի 23-ին, ժամը 11:45-ին ՆԳՆ ոստիկանության օպերատիվ կառավարման կենտրոն տեղեկություն է ստացվել, որ Երևան քաղաքի Գրիգոր Հասրաթյան փողոցի շենքերից մեկի տանիքին քաղաքացի է բարձրացել և սպառնում է ինքնասպանություն գործել։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության 7-րդ հրշեջ-փրկարարական ջոկատից մեկ մարտական հաշվարկ, Հոգեբանական աջակցության բաժնի և Ճգնաժամային կառավարման ազգային կենտրոնի հերթապահ խմբերը։
Դեպքի վայրում են եղել նաև ոստիկանության և շտապօգնության աշխատակիցներ։
Ժամը 12:33-ին փրկարարներին հաջողվել է կանխել 1994 թ. ծնված քաղաքացու ինքնասպանության փորձը։ Նա տեղափոխվել է ոստիկանության Մաշտոցի բաժին:
![](banners/armflix.jpg)