Վաղը լրանալու է Մարտակերտի քաղաքապետի տնային կալանքի ժամկետը. ՔԿ-ն կհետևի՞ իշխանության հրահանգին․ Արսեն Բաբայան

Ադրբեջանի կողմից օկուպացված Արցախի Հանրապետության Մարտակերտի քաղաքապետ Միշա Գյուրջյանի կալանավորման երկու ամիսը վաղը՝ հուլիսի 25-ին է լրանում։

Միշա Գյուրջյանը կալանավորվել էր մայիսի 25-ին, իսկ արդեն հունիսի 27-ին դատարանը բավարարել էր Միշա Գյուրջյանի փաստաբան Արսեն Բաբայանի միջնորդությունը՝ կալանքը տնային կալանքով փոխարինելու մասին:

168.am-ի հետ զրույցում Արսեն Բաբայանն ասաց, որ հուլիսի 25-ին իր պաշտպանյալի  կալանքի 2 ամիսը լրանալուց հետո նա կլինի ազատության մեջ։

«Քննչական կոմիտեն կալանքի ժամկետը երկարաձգելու միջնորդություն չի ներկայացրել, հետևաբար՝ կալանքի 2-ամսյա ժամկետը լրանալուց հետո Միշա Գյուրջյանն ազատության մեջ կլինի»,- նշեց Արսեն Բաբայանը։

Հիշեցնենք` ըստ ՔԿ-ի տարածած հաղորդագրության, Միշա Գյուրջյանը մեղադրվում է խարդախությամբ խոշոր չափերով հափշտակության և փաստաթղթեր կեղծելու համար։ Նա խմբի հետ փաստաթուղթ է կեղծել և կատարել խոշոր չափերով գույքի հափշտակություն՝ 1.935.000 դրամ արժողությամբ «CHEVROLET LACETTI-1.4»։
Գյուրջյանին մեղադրանք է ներկայացվել ՀՀ քրեական օրենսգրքի 255-րդ հոդվածի 2-րդ մասի 1-ին և 3-րդ կետերով (խարդախություն) և 457-րդ հոդվածի 2-րդ մասով (փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը)։

Ի դեպ, նշենք, որ Ստեփանակերտի և Ասկերանի քաղաքապետը ևս գտնվում էին տնային կալանքի մեջ, նրանց ևս մեղադրում են պետությանը նյութական վնաս հասցնելու՝ Արցախից Հայաստան մեքենաներ  բերելու համար։

Այս թեմայով «Այս վճիռը որևէ հետեւանք չի առաջացնում, բացառությամբ, պարոն Թովմասյանի գույքի վրա դրված կալանքի մի մասի վերացումը». Օրբելյան (տեսանյութ) Նրանք, ովքեր լռում էին Արցախի բլոկադային, կա´մ մոլորյալ են կա´մ իշխանության հրահանգավորմամբ քարոզիչ. Տիգրան Աբրահամյան Ո՞վ է հաջորդը. իշխանության յուրացման ենթադրյալ նախապատրաստման գործերով թիրախում հերոսական ուղի անցած ազատամարտիկներն են «Անբացատրելի ամաչում էի, բայց օգտագօրծեցի պահն ու այնքա՜ն մեծ բավականություն ստացա». Աննա Մանուչարյանը երգում է Արսեն Գրիգորյանի նվագակցությամբ Տնային կալանքի ռեժիմը բավականին ծանր պայմաններով է սահմանված. Տիգրան Աբրահամյան Արսեն Խառատյանին Թբիլիսիի օդանավակայանում պահելուց հետո հետ են ուղարկել Եվրոպա Վրաստանի սահմանապահները արգելել են Արսեն Խառատյանի մուտքը երկիր Արսեն Խառատյանին պահում են Թբիլիսիի օդանավակայանում Իշխանությունն Արցախի հետ տեղի ունեցածի պատասխանատվությունն ուզում է բաշխել բացառապես արցախցիների վրա. Տիգրան Աբրահամյան Հայաստանի դիրքավորման պոտենցիալը աշխարհաքաղաքական գործընթացների համատեքստում. Մաս 3. Սամվել Բաբայան