24-ամյա աղջիկը մահացել է ուղիղ եթերում՝ 10 ժամ անդադար տորթեր, հավի ձողիկներ եւ ծովամթերք ուտելու ժամանակ
Հասարակություն![24-ամյա աղջիկը մահացել է ուղիղ եթերում՝ 10 ժամ անդադար տորթեր, հավի ձողիկներ եւ ծովամթերք ուտելու ժամանակ](/timthumb.php?src=disc/23-07-24/f6538b8ca083f7a21e381ed40fc1b60b.jpg&w=780)
Չինաստանից 24-ամյա «կերակուր խժռողը»՝ Պան Սյաոտինգը, մահացել է ուղիղ հեռարձակման ժամանակ՝ 10 ժամ անդադար տորթեր, հավի ձողիկներ եւ ծովամթերք ուտելու ընթացքում:
Դիահերձման արդյունքները ցույց են տվել, որ նրա ստամոքսը խիստ դեֆորմացված է եւ լցված է չմարսված սննդով, ինչը թույլ է տալիս ենթադրել, որ նրա ստամոքսը հնարավոր է պատռվել է, ինչի հետեւանքով ստամոքսի թթվանյութը եւ սնունդը արտահոսել են որովայնի խոռոչ:
Սյաոտինգը հայտնի էր դարձել Չինաստանում մուկբանգի ուղիղ հեռարձակումներով՝ մի միտում, որի ժամանակ մարդիկ տեսախցիկի առաջ ուտում են հսկայական քանակությամբ սնունդ՝ սովորաբար շատ անառողջ: Այս միտումը ծագել է Հարավային Կորեայում։
Բժիշկներն այժմ զգուշացնում են, որ հաջորդը կարող են լինել Արեւմուտքի ինֆլուենսերները։ ԱՄՆ-ում մի քանի նմանատիպ բովանդակություն ստեղծողներ չափազանց հայտնի են:
Ամենահայտնիներից է Նիկոլաս Փերին, ով YouTube-ի իր 3,8 միլիոն բաժանորդներին ավելի հայտնի է որպես Nikocado Avocado: Փենսիլվանիայից 32-ամյա տղամարդը դարձել է մուլտիմիլիոնատեր՝ նկարահանելով տեսանյութոեր, որոնցում մեծ քանակությամբ սնունդ է ուտում, իսկ տեսանյութերում արձանագրում է իր քաշի ավելացման ճանապարհորդությունը:
Նա հաճախ ուղիղ հեռարձակումներում ուտում է ավելի քան 10,000 կալորիա՝ տեսանյութերը վերնագրելով՝ «Ես ատում եմ ինձ, մնաք բարով, YouTube եւ կյանք»: Ներկայումս նա կշռում է մոտ 160 կգ։
![](banners/armflix.jpg)