ԱՀԿ-ն հայտարարել է Իրանում դենգե տենդի տարածման բարձր ռիսկի մասին

Առողջապահության համաշխարհային կազմակերպությունը (ԱՀԿ) Իրանում դենգե տենդի հետագա տարածման վտանգը բարձր է գնահատել: Երկրում հունիսի 14-ից հուլիսի 17-ը հիվանդության հայտնաբերված դեպքերի թիվը 2-ից հասել է 12-ի։

Իրանի իշխանությունները հունիսի 14-ին հայտնել են դենգեի իրենց առաջին երկու դեպքերի մասին, արձանագրել են Ժնևում ԱՀԿ կենտրոնակայանում:

«Դենգեի փոխանցումը հաստատվել է Իրանի հարավային Հորմոզգան նահանգի Բանդար Լենգում: Հուլիսի 17-ի դրությամբ երկրում դենգեի դեպքերի ընդհանուր թիվը հասել է 12-ի, բոլորն էլ արձանագրվել են նույն վայրում»,- նշել է ԱՀԿ-ն:

Նախկինում ԱՀԿ-ն աշխարհում դենգեի տարածման ռիսկը բարձր էր գնահատել՝ ընդգծելով, որ խոսքը «հանրային առողջությանը սպառնացող գլոբալ սպառնալիքի» մասին է։

«Իրանի համար վտանգը մեծ է նաև երկրում վեկտորի՝ դենգե վիրուսի առկայության, վեկտորի համար բարենպաստ կլիմայական պայմանների և դենգե տենդի շարունակական բռնկումներով և էնդեմիկ տարածքներից դեպի Իրան մարդկանց տեղաշարժի պատճառով»,- հայտարարել է կազմակերպությունը։

ԱՀԿ-ն բացատրել է, որ հիվանդությունը «կարող է լուրջ վնաս հասցնել հանրային առողջությանը»։ Հիվանդության հիմնական փոխանցողներն են Aedes մոծակները, հիմնականում Aedes aegypti տեսակը և ավելի փոքր չափով Aedes albopictus-ը:

Իրանի առողջապահության նախարարությունը «միջոցներ է ձեռնարկել հիվանդանոցների պատրաստվածությունը բարելավելու համար», ԱՀԿ-ն աջակցում է նախարարությանը:

Դենգեն վիրուսային վարակ է, որը գերակշռում է արևադարձային և մերձարևադարձային շրջաններում: Ախտանշաններն են բարձր ջերմությունը, սրտխառնոցը, ցանը, գլխացավը և փորացավը։ Ջերմության հեմոռագիկ տարբերակն ուղեկցվում է ուժեղ ներքին արյունահոսությամբ, որն առաջանում է արյան անոթների փլուզմամբ։

Մոտ 3,8 միլիարդ մարդ այս վիրուսով ապրում է էնդեմիկ երկրներում, որոնց մեծ մասը գտնվում է Ասիայում, Աֆրիկայում և Ամերիկայում: ԱՀԿ-ն նշում է, որ հիվանդացությունը, հավանաբար, կաճի թվով և կտարածվի աշխարհագրորեն կլիմայի փոփոխության և ուրբանիզացիայի պատճառով:

Այս թեմայով «Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով ՀԱՊԿ-ից հայտարարել են՝ իրավիճակը անկայուն է,պահպանվում է տարածաշրջանի հակամարտությունների սրությունը «Ապրումներս աննկարագրելի են, շատ եմ լարվում». Ռոզի Ավետիսովան՝ այսօր սպասվող պրեմիերայի ու բարդ դերի մասին SMS-ով խախտման մասին ծանուցումը չի փոխարինում էլեկտրոնայինին. ինչպես օգտվել 20 տոկոսի բոնուսային համակարգից Հայաստանը հետ է կանչել Պուտինի «ձերբակալման» մասին ստորագրությունը. MediaHub Մեծ Բրիտանիան, ԱՄՆ-ն, ԵՄ-ն պայմանագիր են ստորագրել արհեստական բանականության կիրառման մասին Փարաջանովի մասին պատմող ֆիլմի համաշխարհային պրեմիերան՝ Վենետիկում Պետական գաղտնիքի մասին օրենսդրությունը խախտելու համար պատիժը խստացվում է. խախտումները կքննի ԱԱԾ-ն «Զանգեզուրի միջանցքի» մասին երազները իրականություն չեն դառնա․ ՀՀ-ում Իրանի դեսպան Ինչու ենք պարտվել․ 44-օրյա պատերազմի պատճառների մասին զեկույցը պատրաստ է․ Քոչարյանը կդիմի ԱԺ (տեսանյութ)