ՌԴ քաղաքացուն առևանգել են և հարազատներից 650.000 դոլար պահանջել

Հուլիսի 22-ին արտառոց դեպք է տեղի ունեցել Հայաստանում։ Հայտնում է  shamshyan.com-ը: Ժամը 07։50-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում, Ոստիկանության Կոտայքի մարզային վարչությունում և Ոստիկանության Հրազդանի բաժնում օպերատիվ տեղեկություններ են ստացվել, որ Հայաստանում առևանգել են ՌԴ քաղաքացու և նրանից պահանջել խոշոր չափի գումար։

Ոստիկանության քրեական ոստիկանության գլխավոր վարչության պետի առաջին տեղակալ Արմեն Պետրոսյանի, Ոստիկանության Կոտայքի մարզային վարչության պետ Ռուբեն Դավթյանի և Ոստիկանության Հրազդանի բաժնի պետ Զորիկ Ավդիշոևի գլխավորությամբ պարզվել է, որ օպերատիվ տեղեկությունները հավաստի են։

Ըստ այդ տեղեկությունների՝ առևանգվածը ՌԴ քաղաքացի, 32-ամյա Սերգեյ Ֆեռովն է, ով կատարվածի մասին հեռախոսով հաղորդագրություններ է ուղարկել իր ընկերոջը՝ ՌԴ քաղաքացի Վ․ Ռուդնիցկինին։

Ոստիկանները պարզել են, որ Երևան քաղաքում գործող ռեստորանային համալիրներից մեկից «Lexus» մակնիշի ավտոմեքենայով առևանգել են Ս․ Ֆեռովին, տարել Ծաղկաձոր քաղաքի հյուրանոցային համալիրներից մեկը և բռնություն գործադրելու սպառնալիքով պահանջել են, որպեսզի նա իրենց փոխանցի 650 հազար ԱՄՆ դոլար։

Ոստիկանության օպերատիվ խմբի ծառայողները հայտնաբերել են Ս․ Ֆեռովին, ով հայտնել է որոշ մանրամասներ, ինչից հետո ոստիկանները, ձեռնարկելով անհրաժեշտ օպերատիվ հետախուզական միջոցառումներ, Ծաղկաձոր քաղաքում Ս․ Ֆեռովին ապօրինի պահելու համար բռնել են Վրաստանի քաղաքացի 22-ամյա Նիկոլոզի Ատաշովին և ՀՀ քաղաքացի, Գեղարքունիքի մարզի բնակիչ, 39-ամյա Գևորգ Ս․-ին։Գ․ Շամշյանի տեղեկություններով, նրանք հայտնաբերվել են «Թեղենիս» հյուրանոցային համալիրում, որտեղից էլ ձերբակալվել և տեղափոխվել են ոստիկանության Հրազդանի բաժին։Նրանց հետ եղել է 1 հոգի ևս՝ Կոտայքի մարզի բնակիչ, 40-ամյա Արթուր Մ․-ն։Ոստիկանները պարզել են, որ առևանգվածին ռեստորանային համալիրից խաբել, նստեցրել են Գևորգ Ս․-ի «Lexus» մակնիշի ավտոմեքենան՝ Մարտունի քաղաք գնալու համար։

Արդեն ճանապարհին նրանք ստիպել են ՌԴ քաղաքացուն, որ անջատի հեռախոսը և հասնելով Մարտունի քաղաքի Կամոյի փողոցի վրա գտնվող «Սոնալ» ռեստորանային համալիր՝ սկսել են առևանգվածի և նրա ընտանքի անդամների հասցեին սպառնալիքներ հնչեցնել, հետո իր կամքին հակառակ ստիպողաբար դարձյալ նստեցրել են «Lexus»-ը և Գեղարքունիքի մարզից տարել Ծաղկաձոր քաղաքի «Թեղենիս» հյուրանոցային համալիր, որտեղ նույնպես շարունակել են սպառնալիքներ հնչեցնել։ Ըստ տուժող Ս․ Ֆեռովի հայտարարության՝ Գևորգ Ս․-ն այդ ընթացքում ձեռքը տարել է ատրճանակին և սպառնացել, որ եթե գումարը չտա՝ կկրակի ոտքերին։

 Ոստիկանությունը ձեռնարկում է անհրաժեշտ օպերատիվ հետախուզական միջոցառումներ Ն․ Ատաշովին հայտնաբերելու ուղղությամբ։Դեպքի փաստով Ոստիկանության Հրազդանի բաժնում կազմվել են փաստաթղթեր, որոնք Գևորգ Ս․-ի և Արթուր Մ․-ի հետ միասին ներկայացվել են են ՀՀ Քննչական կոմիտեի Կոտայքի մարզային  քննչական վարչություն, որտեղ ՀՀ քր. օր.-ի 191 հոդվածի 2-րդ մասի 5-րդ կետի և 335 հոդ. 1-ին մասի հատկանիշներով նախաձեռնվել է քրեական վարույթ։Քննիչի որոշմամբ Գևորգ Ս․-ն և Արթուր Մ․-ն ձերբակալվել և տեղափոխվել են Ոստիկանության Հրազդանի բաժնի ձերբակալվածների պահման վայր։

Այս թեմայով Ամերիկացի միլիարդատեր Ջեֆ Բեզոսը 80 մլն դոլար արժողությամբ անձնական ինքնաթիռ է գնել «Սան Մարկո» լողավազանում ԱԱԾ աշխատակիցներ ներկայացած անձինք կնոջ են առևանգել. ՔԿ-ն մանրամասներ է հայտնում 99 տարով՝ 1 ԱՄՆ դոլար վարձակալությամբ Բաղրամյան 12 հասցեում գտնվող անշարժ գույքը տրվեց Սուրբ Աթոռին Երևանում առևանգել են ԱՄՆ-ում հայտնի բիզնեսմենի կնոջը․ առևանգողները եղել են ԱԱԾ կեղծ համազգեստով Գորիսում երիտասարդի են առևանգել, դաժան բռնության ենթարկել և շորթում կատարել․ մեկ անձ կալանավորվել է 27 հազար դոլար բանկային հաշվի մնացորդ, 32 մլն դրամ վարկ, հիփոթեք. ինչ է հայտարարագրել Լիլիթ Մակունցը․ «Ժողովուրդ» ԱԺ «Ամառային դպրոց»-ի համար ՀՀ պետբյուջեից մոտ 60 հազար դոլար է ծախսվել․ «Ժողովուրդ» Աթենքը Սկոպյեից պահանջել է հարգել Մակեդոնիայի անվանափոխության մասին կնքված համաձայնագիրը ՀՀ պետական պարտքը՝ 12.2 մլրդ ԱՄՆ դոլար. «Ժողովուրդ» Տարադրամի փոխարժեքները օգոստոսի 30-ին