Ստամբուլում տարհանվել են Բելգիայի, Գերմանիայի և Կանադայի գլխավոր հյուպատոսությունները

Ստամբուլում Կանադայի, Գերմանիայի և Բելգիայի գլխավոր հյուպատոսությունները ուրբաթ օրը տարհանվել են անհայտ նյութով վարակվելու սպառնալիքի պատճառով: Այս մասին հայտնել է ՏԱՍՍԸ՝ վկայակոչելով տեղական հեռուստատեսությանը:

Վարակի տարածման պատճառը դեղին փոշի պարունակող ծրարներն էին:

Արտակարգ իրավիճակների կառավարման գրասենյակի մասնագետները աշխատակազմի անհապաղ տարհանում են իրականացրել, արգելափակել օդատարները և մեկուսացրել այն սենյակները, որտեղ բացվել են ծրարները:

Կանադայի գլխավոր հյուպատոսությունում մեկ մարդ անմիջական շփում է ունեցել վարակիչ նյութի հետ, ևս վեցը այդ պահին գտնվել է սենյակում:

Հայտնաբերված փոշին ուղարկվել է լաբորատորիա:

Դիվանագիտական առաքելությունների տարածքում շարունակվում է վարակազերծման միջոցների ձեռնարկումը: