Պորոշենկոն հաստատել է կոալիցիոն համաձայնագիրը

Ուկրաինայի նախագահ Պյոտր Պորոշենկոն հայտարարել է քաղաքական ուժերի համար կոալիցիոն համաձայնագիր կնքելու պատրաստակամության մասին: Այս մասին հայտնել է ՌԻԱ «Նովոստին»:

«Բոլոր քաղաքական ուժերի համար, որոնց ես հրավիրում եմ կոալիցիա, մենք պատրաստել ենք կոալիցիոն համաձայնագիր, որը վերաբերում է խնդիրների անհապաղ լուծմանը»,- ասել է Պորոշենկոն:

Նշվում է, որ կոալիցիոն համաձայնագիրը կառաջարկվի այն կուսակցություններին, որոնք անցել են Ուկրաինայի խորհրդարան, և աջակցել «Եվրամայդանին»:

Ավելի վաղ, «Ժողովրդական ճակատի» առաջնորդ Արսենի Յացենյուկը հայտարարել է, որ կարճ ժամանակահատվածում նա ձևավորելու է խորհրդարանական կոալիցիա՝ «Պյոտր Պորոշենկոյի բլոկի» հետ համատեղ: