«Եվրամայդանի» կազմակերպիչների նպատակն էր գժտեցնել ռուսներին և ուկրաինացիներին. Մատվիենկո

«Եվրամայդանի» կազմակերպիչները մտադիր էին գժտեցնել ռուսներին և ուկրաինացիներին: Այս մասին հայտնել է ՏԱՍՍ-ը՝ վկայակոչելով Դաշնության խորհրդի նախագահ Վալենտինա Մատվիենկոյին:

«Ես համոզված եմ, որ «Եվրամայդանի» կազմակերպիչների հիմնական նպատակն էր երկու սլավոնական ժողովուրդներին գժտեցնելը՝ ոչ միայն բարդություն ստեղծել Ռուսաստանի և Ուկրաինայի քաղաքական ղեկավարության համար, խանգարել մեր տնտեսական համագործակցությանը, այլև սեպ խրել ժողովրդի միջև, բաժանել նրանց «ուկրաինացիների» և «մոսկվացիների», ովքեր կատեն միմյանց: Սա նվիրական երազանքն է՝ Ուկրաինային հեռու վանել Ռուսաստանից: Դրա իրականացման համար աշխատում է քարոզչամեքենան»,- ասել է Մատվիենկոն: