Antares տանող հրթիռը պայթել է NASA-ի տիեզերակայանից արձակման ժամանակ

Antares տանող հրթիռը՝ ամերիկյան Cygnus տիեզերանավով, պայթել է NASA-ի տիեզերակայանից արձակման ժամանակ, տիեզերակայան, որը գտնվում է Վիրջինիայի նահանգի ափի մոտ՝ Ուոլոս կղզում: Հրթիռի արձակումն ուղիղ եթերում հեռարձակվում էր NASA-ի կայքում: Պայթյունը տեղի է ունեցել մեկնարկից հետո՝ տեղական ժամանակով ժամը 18:23-ին (Երևանի ժամանակով հոկտեմբերի 29-ի 02:23-ին): Հրթիռի սոսկ մի փոքր էր կտրվել գետնից, տեղեկացնում է «Արմենպրես»-ը:

Պայթյունի հետևանքով ոչ ոք չի տուժել, հայտնել են NASA-ում: Գործակալության ներկայացուցչի խոսքով՝ արձակման պահին մարդկանցից ոչ մեկը, ինչպես որ սահմանված է, մեկնարկային համալիրի մոտ չի եղել: Միևնույն ժամանակ զգալի վնաս է հասցվել արձակման հարթակին, Cygnus տիեզերանավն ավերվել է:

ԱՄՆ-ի տիեզերական գործակալությունը նաև նշել է, որ աղետի պատճառների հետաքննության համար ստեղծվել է հատուկ հանձնախումբ, դրա մեջ կմտնեն NASA-ի և Orbital Sciences ընկերության ներկայացուցիչները, որը կառուցել է հրթիռը և տիեզերանավը:

Cygnus-ը պետք է միջազգային տիեզերակայան հասցներ ավելի քան 2 տոննա բեռ, այդ թվում՝ պարեն, սարքավորանք և նյութեր գիտափորձերի համար, հաղորդել է ՏԱՍՍ-ը: