ԻՊ-ի մոտ 100 գրոհային ոչնչացվել է Քոբանիում

«Իսլամական պետություն» արմատական խմբավորման մոտ 100 գրոհային ոչնչացվել է վերջին երեք օրվա ընթացքում սիրիական Քոբանի քաղաքում իրականացվող ռազմական գործողությունների արդյունքում: Այս մասին հայտնել է ՌԻԱ Նովոստին՝ հղում անելով Սիրիայի մարդու իրավունքի մոնիտորինգի կենտրոնին:

Կազմակերպության տվյալներով՝ Քոբանիում ռազմական գործողությունների սկզբից 958 մարդ է զոհվել, որոնցից 576-ը պատկանել է ԻՊ-ին, 361-ը քուրդ աշխարհազորայիններն էին: Առնվազն 21 խաղաղ քաղաքացի է զոհվել պայքարի հետևանքով: