Իրանում կիրառել են «ակն ընդ ական» պատժամիջոցը՝ կուրացնելով դատապարտյալի մի աչքը

Իրանի բանտի բժիշկները, ղեկավարվելով օրենսդրությամբ և շարիաթի «ակն ընդ ական» օրենքով, հեռացրել են այն դատապարտյալի աչքը, որը պատիժ Է կրում մեկ այլ մարդու քիմիական թթվով կուրացնելու համար: Միջադեպը քննադատության ալիք Է հարուցել դատավճիռը կատարած բուժաշխատողների նկատմամբ, տեղեկացնում Է «Արմենպրես» -ը:

«Դատապարտյալն անգիտակից վիճակում պառկած Է եղել Քերեջ քաղաքի բանտում, երբ բժիկները հանել են նրա ձախ աչքը: Նման պատիժն առաջին անգամ Է կատարվում ժամանակակից Իրանում»,- գրել Է Guardian-ը:

Ենթադրվում Էր, որ դատապարտյալը կզրկվի երկու աչքից, սակայն զոհը վերջին պահին խնդրել Է կես տարով հետաձգել աջ աչքի հեռացումը: Բանտի իշխանություններն ընդառաջել են դատապարտայալի վերջին խնդրանքին, ինչը նախատեսվում Է օրենքով: Այժմ դատապարտյալը հնարավորություն կունենա հասնելու այն բանին, որ չեղյալ հայտարարվի դատավճռի վերջնական իրագործումը:

Միջադեպը բողոքի ալիք Է հարուցել իրավապաշտպանների շրջանում, որոնք «իշխանությունների հետ համագործակցող» իրանցի բժիշկների գործողությունները գնահատել են «Հիպոկրատի երդմանը հակասող»:

Հայտնի Է, որ դատապարտյալը Կում քաղաքում մարդուն քիմիական թթվով վնասելու համար մեղավոր Է ճանաչվել հինգ տարի առաջ: Հանցագործության զոհը կուրացել Է, իսկ դեմքն ընդմիշտ այլանդակվել Է թթվից: Հանցագործը դատապարտվել Էր երկու աչքերի կուրացման, տուգանքի և 10 տարվա բանտարկության, հաղորդել Է ՌԻԱ Նովոստին: