Չինաստանը խստացնում է առցանց-առևտրի կանոնները
Աշխարհ
Չինաստանի կառավարությունը որոշել է ավելի խստորեն կարգավորել առցանց-առևտուրը՝ Taobao.com երկրի խոշորագույն ցանցային վաճառողի վերաբերյալ հասարակական բանավեճի ֆոնին, որն, ինչպես ցույց է տվել ստուգումը, վաճառում է վիթխարի թվով կեղծված ապրանքներ, տեղեկացնում է «Արմենպրես»-ը:
«Համացանցն անշուշտ դրախտ չէ ապօրինի գործողությունների համար»,- Ժողովրդական ներկայացուցիչների համաչինական ժողովի նստաշրջանի կողասրահներում ասել է արդյունաբերության և առևտրի պետական վարչության (SAIC) ղեկավար Չժան Մաոն:
«Առևտրական ինտերնետ-հարթակները պետք է ստանձնեն հանգուցային պարտավորությունները: Դրանք պետք է աշխատեն հուսալիության և ազնվության ապահովման վրա»,- մեջբերում է Մաոյի խոսքը Սինհուա գործակալությունը:
Նա ընդգծել է, որ կառավարական կարգավորիչները պետք է ուժեղացնեն միջոցառումներն առցանց-գնորդների օրինական իրավունքները պաշտպանելու համար, այդ թվում՝ առաջարկեն նոր օրինագծեր և առցանց-խանութների բազայի ստեղծում՝ հսկողության ուժեղացման համար:
Ինչպես նշում է ՌԻԱ «Նովոստին», SAIC-ի հունվարյան ստուգման արդյունքները ցույց են տվել, որ Չինաստանի Taobao.com խոշորագույն ինտերնետ-խանութներից մեկում ապրանքների միայն 37,3 տոկոսն է եղել իսկական, ինչը ցածր է Չինաստանի առևտրական վեբ-հարթակների մեծամասնության 58 տոկոս միջին ցուցանիշից:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
