Հունաստանն ու Ռուսաստանը շարունակում են «թուրքական հոսքի» շուրջ շփումները

Ռուսաստանն ու Հունաստանը դեռ չեն հասել համաձայնության` Հունաստանի «թուրքական հոսքին» միանալու շուրջ, սակայն կողմերը շարունակում են երկխոսությունը: Այս մասին հայտարարել է էներգետիկայի նախարար Ալեքսանդր Նովակը, հաղորդում ՏԱՍՍ-ը:

«Մենք կապի մեջ ենք նրանց հետ: Երեկ ես զրուցեցի հույն նախարարի հետ», - ասել է Նովակը:

Նախարարը չի պատասխանել այն հարցին, թե արդյոք նա աշխատանքային այցով կմեկնի Աթենք հաջորդ շաբաթ:

Ավելի վաղ հաղորդվում էր, որ Ռուսաստանն ու Հունաստանը հուշագիր են պատրաստում` ԵՄ-ում «թուրքական հոսքի» շարունակության վերաբերյալ: