Զինված բախումներ՝ մեքսիկական նարկոկարտելի և ոստիկանության միջև
Աշխարհ
Մեքսիկայի Տամաուլիպաս նահանգի Ռեյնոս քաղաքում տեղի են ունեցել զինված բախումներ նարկոկարտելի ու ոստիկանության միջև: Այս մասին հայտնել է Reuters-ը:
Պատճառը «Գոլֆո» նարկոկարտելի առաջնորդ Էլ Գաֆեի (El Gafe) կալանավորումն էր, որին փորձել էին դաշնային ուժերից ու ծովային հետևակից խլել նրա կողմնակիցները: Այդուհանդերձ, Էլ Գաֆեին հաջողվել էր հասցնել երկրի մայրաքաղաք Մեխիկո:
Ապրիլի 17-ին սկսված զինված բախումների արդյունքում սպանվել էին 3 ենթադրյալ հարձակվողներ, վիրավորվել էին 2 ոստիկաններ, հրկիզվել են մի քանի մեքենաներ: Չհաստատված տեղեկություններով՝ սպանվել են նաև 2 անցորդներ:
Ռեյնոսի բնակչությունը մոտ 600 հազար է: Անցած տարի քաղաքը, որը մոտ է ԱՄՆ-ի հետ սահմանին, դարձել էր «Գոլֆո» ու «Լոս Սետաս» մրցակից հանցախմբերի դաժան թատերաբեմ:
«Գոլֆո» կարտելը հիմնականում տեղակայված է Գերերո նահանգի տարածքում:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
