Հնդկաստանում առնվազն 19 մարդ է զոհվել անկարգությունների հետևանքով, վիրավորվել է շուրջ 200 մարդ
Աշխարհ
Հնդկաստանի հյուսիսի Խարյանայի նահանգում առնվազն 19 մարդ է զոհվել ջաթերի կաստայի անդամների մասնակցությամբ տեղի ունեցած անկարգությունների հետևանքով: Այդ մասին, ինչպես տեղեկացնում է «Արմենպրես»-ը, փետրվարի 22-ին հաղորդել են արևմտյան ԶԼՄ-ները: Եվս ավելի քան 200 մարդ վերքեր են ստացել:
Ավելի վաղ ջաթերը Հնդկաստանի իշխանություններից պահանջել են իրենց համար քվոտաներ հատկացնել իշխանության մարմինների պաշտոնների և համալսարանների տեղերի համար: Նախօրյակին Հնդկաստանի կառավարությունն ընդառաջել է բողոքավորների պահանջներին:
Ավելի վաղ բողոքավորները փակել էին երկրի մայրաքաղաք Դելիին ջուր մատակարարող խողովակաշարը, ինչի հետևանքով փակվել էին քաղաքի դպրոցները և ջրօգտագործման նորմաներ էին սահմանել: Սակայն ավելի ուշ հնդիկ զինվորականներն իրենց հսկողության տակ էին վերցրել ջրատարը:
Բացի այդ, խախտվել էր տրանսպորտային հաղորդակցությունը Խարյանայի և մյուս նահանգների միջև, չեղյալ էին հայտարարվել հազարից ավելի երկաթուղային չվերթեր:
Փետրվարի 21-ին անկարգությունների գոտի էին ուղարկվել 1,2 հազար զինծառայողներ:
ԶԼՄ-ների տվյալներով՝ Խարյանայի նահանգի իշխանությունները հույս ունեն փետրվարի 22-ին ամբողջովին իրենց հսկողության տակ վերցնել իրադրությունը, հաղորդել է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
