ԱՄՆ-ը դարձյալ Թուրքիային կոչ է արել դադարեցնել քրդերի հրետակոծությունը Սիրիայում
Աշխարհ
ԱՄՆ-ի պետքարտուղարության փոխխոսնակ Մարկ Թոները նորացրել է սիրիացի քրդերի հրետակոծությունները դադարեցնելու մասին ավելի վաղ Թուրքիային արած կոչը:
Ինչպես հաղորդում է «Արմենպրես»-ը, ԱՄՆ-ի պետքարտուղարության փոխխոսնակ Մարկ Թոները ամենօրյա մամուլի ասուլիսում հայտարարել է. «Մենք հստակ կոչ ենք անում Թուրքիային դադարեցնել Սիրիայում քրդական Ժողովրդի պաշտպանության ուժերի (YPG) դեմ հրետակոծությունները»:
Պատասխանելով այն հարցին, թե արդյոք փետրվարի 27-ին հրադադար սկսվելու որոշումով պահանջվում է նաեւ դադարեցնել Սիրիայում YPG-ի թիրախներին ուղղված Թուրքիայի հրետակոծությունները, Թոներն ասել է, որ իրենք որեւէ կապ չեն տեսնում Թուրքիայում արգելված Քրդստանի աշխատավորական կուսակցության (PKK) եւ YPG-ի միջեւ:
«Մենք Թուրքիայից պահանջել ենք դադարեցնել սահմանից այն կողմ հրետակոծությունները: YPG-ից էլ պահանջել ենք վերջ դնել Հալեպի շրջակա տարածքներում լարվածությունը մեծացնող գործողութւուններին: Դրանք խանգարում են տարածաշրջանում լարվածության նվազեցմանը», -ասել է Պետքարտուղարության պաշտոնյան:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
