Ֆրանսիայի, ԳՖՀ-ի, Մեծ Բրիտանիայի, ԱՄՆ-ի ղեկավարները կարևորել են Սիրիայում հրադադարի հաստատումը
Աշխարհ
Ֆրանսիայի, Գերմանիայի, Մեծ Բրիտանիայի և ԱՄՆ-ի ղեկավարները պնդում են Սիրիայում հրադադարի վերաբերյալ համաձայնագրի կատարումը: Այդ մասին, ինչպես տեղեկացնում է «Արմենպրես»-ը, հայտնել են Ելիսեյան պալատում՝ ամփոփելով Ֆրանսուա Օլանդի, Անգելա Մերկելի, Դևիդ Քեմերոնի և Բարաք Օբամայի միջև կայացած բանակցությունների արդյունքները:
«Նրանք պնդեցին ամենակարճ ժամկետում դիմակայության դադարեցման վերաբերյալ համաձայնագրի իրագործումը և մատնանշեցին փետրվարի 11-ին Սիրիայի աջակցման միջազգային խմբի ստանձնած պարտավորությունների կատարման անհրաժեշտությունը»,- ասված է Ելիսեյան պալատի հայտարարության մեջ:
«Նաև անհրաժեշտ է շտապ միջոցներ ձեռնարկել հումանիտար ճգնաժամը կարգավորելու համար, հատկապես՝ Հալեպում»,- նշել են Ֆրանսիայի նախագահի վարչակազմում:
Բացի այդ, Ֆրանսիայի, ԳՖՀ-ի, Մեծ Բրիտանիայի և ԱՄՆ-ի ղեկավարները հորդորել են «շուտափույթ քննարկումներ սկսել իսկական քաղաքական անցումային գործընթացի համար, ինչը նախատեսված է ՄԱԿ-ի ԱԽ-ի 2254 բանաձևով», հաղորդել է ՏԱՍՍ գործակալությունը:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
