ԻՊ-ի զինյալները ռումբերի պատրաստման բաղադրատարրերից շատերն ստանում են Թուրքիայից և Իրաքից

«Իսլամական պետություն» ահաբեկչական խմբավորման զինյալները պայթուցիկ սարքերի պատրաստման համար բաղադրատարրերի զգալի մասն ստանում են Թուրքիայից և Իրաքից: Այդ մասին, ինչպես տեղեկացնում է «Արմենպրես»-ը, հաղորդել է Associated Press-ը:

Գործակալությունը քաղվածքներ է արել Conflict Armament Research բրիտանական կազմակերպության զեկույցից, որի աշխատակիցները պարզել են, որ ռումբերի համար անհրաժեշտ քիմիական նյութերի մեծ մասը, ինչպես նաև պայթուցիչները, ընկերությունների կողմից արտադրվում են Թուրքիայում և Իրաքում: Ընդսմին, ինչպես նշվում է, դրանց ղեկավարությունը կարող է և չիմանալ, որ սկզբնապես խաղաղ նպատակներով օգտագործելու համար նախատեսված արտադրանքը գնում են զինյալները, հաղորդել է ՏԱՍՍ-ը: