ԱՄՆ-ն խիստ պատժամիջոցներով բանաձևի նախագիծ է ներկայացրել ԿԺԴՀ-ի դեմ
Աշխարհ
ԱՄՆ-ի իշխանությունները Չինաստանի աջակցությամբ ՄԱԿ-ի Անվտանգության խորհրդին ներկայացրել են բանաձևի նախագիծ, որը նախատեսում է խիստ պատժամիջոցների սահմանում Հյուսիսային Կորեայի նկատմամբ, տեղեկացնում է «Արմենպրես»-ը՝ հղում անելով BBC-ին:
Ինչպես հայտնել է ՄԱԿ-ում ԱՄՆ-ի մշտական ներկայացուցիչ Սամանթա Փաուերը, նախագծի համաձայն՝ դեպի Հյուսիսային Կորեա և այնտեղից ուղարկվող բոլոր բեռներն առաջին անգամ կենթարկվեն պարտադիր ամբողջական ստուգման:
Բանաձևը նաև սահմանում է Փենյանին ամեն տեսակի սպառազինությունների, այդ թվում՝ հրազենի վաճառքի արգելք:
«Բացի դրանից, բանաձևը ֆինանսական պատժամիջոցների է ենթարկում ԿԺԴՀ-ի բանկերը և հաշիվները և սահմանում է կրկնակի նշանակության միջուկային և ռեակտիվ արտադրանքի արգելք»,- ասված է Փաուերի հայտարարության մեջ:
Նախօրյակին Միացյալ Նահանգների Ազգային անվտանգության խորհրդի ներկայացուցիչ Նեդ Փրայսը հայտարարել է, որ ԱՄՆ-ը և Չինաստանը մտադիր չեն ԿԺԴՀ-ն ճանաչել որպես միջուկային տերություն:
Ավելի վաղ ԱՄՆ-ի Հասարակական կարծիքի ինստիտուտը Հյուսիսային Կորեան առաջին տեղն է դրել այն երկրների թվում, որոնց Միացյալ Նահանգների քաղաքացիները համարում են իրենց գլխավոր թշնամիները:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
