ԱՄՆ-ի քաղաքականությունը միտված է Ռուսաստանի զսպմանը. Պենտագոն

ԱՄՆ-ը չի ձգտում Ռուսաստանի հետ սառը պատերազմի վերականգնման, առավել ևս օրակարգում ռազմական հակամարտության հարց չի դրվում: Այս մասին, ինչպես տեղեկացնում է «Արմենպրես»-ը, ասված է Պենտագոնի «Հայտարարություն պաշտպանության նախարարության 2017 թվականի դիրքորոշման մասին. կողմնորոշվելով դեպի հեռավոր ապագան, ներդրումներ ագապայում» վերտառությամբ զեկույցում:

«Մենք չենք ձգտում Ռուսաստանը դարձնել մեր թշնամին, նույնիսկ եթե նա, հնարավոր է, հենց այդպես է նայում մեզ վրա»,- ասված է փաստաթղթում: Ըստ որում նշված է, որ Պենտագոնը մտադիր է «ուժեղ և հավասարակշռված մոտեցում» կիրառել «Արևելյան Եվրոպայում ռուսական ագրեսիայի զսպման համար»:

ԱՄՆ-ի պաշտպանության նախարար Էշթոն Քարտերը Սենատի զինված ուժերի կոմիտեում կայացած լսումների ընթացքում հայտարարել է, որ գերատեսչության 2017 թվականի բյուջեն կազմված է այն սպառնալիքների հաշվառմամբ, որոնք բխում են Ռուսաստանից, Չինաստանից, Հյուսիսային Կորեայից, Իրանից և ահաբեկչական խմբավորումներից: «Մենք պետք է հնարավորություն ունենանք երաշխավորելու այն, որ ամեն ոք, ով հակամարտություն սկսի ԱՄՆ-ի հետ, զղջա դրա համար»,- նրա խոսքը մեջբերված է Պենտագոնի կայքում, հաղորդել է ՏԱՍՍ-ը: