Շարմազանովի համոզմամբ` ՏԻՄ ընտրություններում ՀՀԿ-ն ունի ամենամեծ շանսերը
Քաղաքական
Առաջիկայում կայանալիք Տեղական ինքնակառավարման մարմինների ընտրություններում Հանրապետական կուսակցությունն ունի հաղթելու ամենամեծ շանսերը: ՀՀԿ գործադիր մարմնի նիստից հետո նման համոզմունք հայտնեց ՀՀ Ազգային ժողովի փոխնախագահ, ՀՀԿ խոսնակ Էդուարդ Շարմազանովը:
«Ըստ իս՝ Հանրապետականի թեկնածուներն ունեն ամենամեծ շանսերը, բայց մենք հրապարակային մրցակցության կողմնակից ենք: Ի տարբերություն որոշ ընդդիմադիր ուժերի՝ մենք չենք խոսում վաղաժամ հաղթանակների մասին: ՀՀԿ-ն բոլոր ընտրություններում հիմնական առաջատարներից է»,- ասաց Շարմազանովը:
Միաժամանակ, նա նկատեց, որ որոշ ընդդիմադիրներ քննադատական խոսքեր են ասում միմյանց հասցեին, «փորձում են ընդդիմության միակը լինելու դափնին շահել»:
«Դրանք նրանց խնդիրներն են: Ընդդիմության դաշտում կլինի մեծ մրցակցություն, որտեղ կան բազում կուսակցություններ, որոնք ցանկանում են ՏԻՄ ընտրություններում տիրանալ ընդդիմադիր ընտրազանգվածի ձայներին: Այս պարագայում անխուսափելի է դառնում նաև քաղաքական փոխհրաձգությունը: Այնպես չէ, որ մենք դրանից ուրախանում ենք, տեղի են ունենում քաղաքական պրոցեսներ, որոնց մենք հետևում ենք»,- ասաց ՀՀ ԱԺ փոխնախագահը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
