Չեխիայի վարչապետն այլեւս չի ցանկանում պաշտոնաթող լինել
Աշխարհ
Չեխիայի վարչապետ Բոգուսլավ Սոբոտկան, որը նաեւ գլխավորում է հանրապետության կառավարական կոալիցիայի խոշորագույն կուսակցությունը՝ Չեխիայի սոցիալ-դեմոկրատական կուսակցությունը (ՉՍԴԿ), հրաժարվել է պաշտոնաթողություն խնդրելու միտքից:
Ինչպես լրագրողներին հայտարարել է կառավարության ղեկավարը, դրա փոխարեն ինքը կձգտի հասնել ֆինանսների նախարար Անդրեյ Բաբիշի՝ ANO («Դժգոհ քաղաքացիների ակցիա») աջ կենտրոնամետ շարժման առաջնորդի պաշոնանկությանը:
«Կառավարության հրաժարականի խնդրագիր ես չեմ տա: Այսօր Պրաժսկի հրադ կուղարկվի նախարարների կաբինետի կազմից փոխվարչապետ եւ ֆինանսների նախարար Անդրեյ Բաբիշին հանելու խնդրագիրը»,- ընդգծել է Սոբոտկան:
Վարչապետը հույս ունի, որ Չեխիայի նախագահ Միլոշ Զեմանը կբավարարի ֆինանսական գերատեսչության ղեկավարի պաշտոնաթողության խնդրանքը:
Սոբոտկան ավելի վաղ իր կառավարության հրաժարականի պատճառ էր նշել Բաբիշի շուրջը ծավալվող սկանդալը, որը մեղադրվում է հարկերի վճարումից խուսափելու մեջ:
ANO-ի առաջնորդը կտրականապես ժխտում է բոլոր մեղադրանքները՝ դրանք համարելով սոցիալ-դեմոկրատների քաղաքական սադրանքը՝ Պատգամավորների պալատի (Չեխիայի խորհրդարանի ստորին պալատի)՝ հոկտեմբերի 20-ին եւ 21-ին նախատեսված ընտրություններից առաջ, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
