Եղիսաբեթ 2-րդը մեքենա վարելիս (լուսանկար)

Մեծ Բրիտանիայի թագուհի Եղիսաբեթ 2-րդին, որը անցած ամիս նշում էր իր 91 ամյակը, նորից տեսել են մեքենա վարելիս։ Այս անգամ նա Jaguar X-Type էր վարում, որով վերադառնում էր կիրակնօրյա պատարագից՝ Մեծ Վինձորյան պուրակում գտնվող թագավորական եկեղեցուց։

Լուսանկարը հրապարակվել է Daily Telegraph թերթում։ Լուսանկարում թագուհին կապույտ վերարկուով է ու նույն գույնի գլխարկով։ Բրիտանական պատմության մեջ ամենաերկարատև կառավարած միապետի կողքին նրա թիկնապահն է։ Երկու տարի առաջ թագուհին իրարանցում էր առաջացրել, երբ այդ նույն Վինձորի պուրակում մեքենայով առաջ էր անցել իրենց երեխայի հետ զբոսնող մի երիտասարդ զույգից՝ որոշելով չսպասել, թե երբ են նրանք իրեն ճանապարհ տալու։ Ընդ որում նա սիրալիր էր գտնվել ու ժպիտ պարգեւել իր հպատակներին։

Եղիսաբեթ 2-րդը, որը Երկրորդ համաշխարհային պատերազմի տարիներին սանիտարական մեքենայի մեխանիկ վարորդի որակավորում էր ստացել, սիրում է մեքենա վարել։ Ընդ որում նա Մեծ Բրիտանիայումմիակ մարդն է, ում թույլատրված է վարել մեքենա առանց վարորդական իրավունքի, նաեւ միակ մարդը, այգեգործներից բացի, ով կարող է մեքենայով անցնել Մեծ Վինձորյան պուրակի ծառուղով։