Ալևս ոչ թե հաշմանդամ, այլ՝ խիզախ մարդիկ. նոր կարգ՝ ԱՄԷ-ում
Աշխարհ
Արաբական Միացյալ Էմիրությունների փոխնախագահ ԱՄԷ Շեյխ Մուհամմադ բին Ռաշիդ Ալ-Մաքթումին հանդես է եկել նոր նախաձեռնությամբ, որով առաջարկվում է օրենքում կատարել փոփոխություններ և հաշմանդամություն ունեցող անձանց այսուհետ բնորոշել ոչ թե «հաշմանդամ», այլ «խիզախ մարդ» եզրույթով: Այդ մասին գրում է «Аргумент»-ը:
Փոխնախագահն այս մասին գրել է Twitter-ի իր էջում, որից հետո ԱՄԷ-ին բնակչության ճնշող մեծամասնությունն աջակցել է այս նախաձեռնությանը:
Տեղական իշխանությունները սկսել են փոխել երկրի կառավարական գրասենյակներում, հասարակական վայրերում, սուպերմարկետներում, տրանսպորտի, հանգստի եւ զվարճանքի և այլ վայրերում փակցված «հաշմանդամություն ունեցող անձանց համար» նշումները՝ դրանք փոխարինելով «խիզախ մարդկանց համար» նշումով:
Ըստ ԱՄԷ-ի իշխանության ներկայացուցիչների՝ այս փոփոխության նպատակն է ապահովել առավելագույն հնարավորություններ «խիզախ մարդկանց» համար, նպաստել նրանց առավելագույն ներգրավմանը հասարակական գործընթացներում եւ խրախուսել նրանց անձնական ներգրավվածությունը սոցիալական կյանքին:
Հավելենք նաև, որ ըստ նոր կարգի, ԱՄԷ իշխանությունները պարտավորվել են «խիզախ մարդկանց» նշանակել տարբեր կառավարման օղակներում տարբեր պաշտոնների:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
