Ահաբեկչությունից հետո Մանչեսթրի հիվանդանոց են տեղափոխել 12 վիրավորված երեխաների

Մանչեսթրում կատարված ահաբեկչությունից հետո քաղաքի հիվանդանոց են տեղափոխվել լուրջ վերքեր ստացած 12 երեխաներ: Այդ մասին լրագրողներին հայտնել Է Մանչեսթրի շտապ օգնության ծառայության տնօրեն Դեւիդ Ռեթքլիֆը: Նրա հայտարարությունները հեռարձակվել են Sky News հեռուստաալիքի ուղիղ եթերով:

«Մանչեսթրի թագավորական մանկական հիվանդանոցն ընդունել Է ամենամեծ թվով վիրավորների՝ 12 հոգու»,-ասել Է նա, հավելելով, որ նրանք լուրջ վերքեր են ստացել: Քաղաքի մյուս հիվանդանոցներ ավելի քիչ թվով տուժածների են բերել ՝ բժշկական կենտրոններից յուրաքանչյուրում հինգից մինչեւ ինը վիրավորների, ընդ որում՝ նրանց թվում նույնպես եղել են երեխաներ (մինչեւ 16 տարեկան):

Բժիշկը մանրամասներ չի ներկայացրել վնասվածքների բնույթի կամ տուժածների վիճակի վերաբերյալ՝ պատճառաբանելով, որ սկզբում այդ մասին պետք Է տեղեկացվեն նրանց մերձավորները:

Ըստ վերջին տվյալների՝ Մանչեսթրում տեղի ունեցած պայթյունի հետեւանքով զոհվել Է 22 մարդ, վիրավորվել Է 59 հոգի: Անգլիայի Մանչեսթր քաղաքի ծածկած մարզադաշտում պայթյունը որոտացել Է մայիսի 22-ին տեղական ժամանակով ժամը 22:35-ին (Երեւանի ժամանակով ժամը 01:35-ին): Այդ րոպեներին ավարտվում Էր ամերիկացի փոփ երգչուհի Արիանա Գրանդեի համերգը, որին ներկա Էր մի քանի հազար մարդ, այդ թվում՝ մեծ թվով երեխաներ եւ դեռահասներ:

Իշխանությունները կատարվածը գնահատել են որպես ահաբեկչական գործողություն, հաղորդել Է ՏԱՍՍ-ը: