Եգիպտոսում քրիստոնյաների վրա հարձակման զոհերի թիվը հասել Է 28-ի

Եգիպտոսի հարավում ղպտի քրիստոնյաների փոխադրող ավտոբուսի վրա կատարված հարձակման հետեւանքով զոհվածների թիվը հասել Է 28-ի: Այդ մասին ՕՆ-ՏՎ հեռուստաալիքի եթերում հայտնել Է Էլ Մինիայի նահանգի նահանգապետ Իսամ ալ Բադիավին: 

«Ներկայում Էլ Մինիայի հիվանդանոցներում են գտնվում զոհվածների 28 մարմիններ»,- ասել Է նահանգապետը:
Ավելի վաղ Եգիպտոսի առողջապահության նախարարությունը հայտնել Էր 26 զոհվածների մասին:

Մայիսի 26-ի առավոտյան անհայտ անձինք երկու ավտոմեքենաներից ինքնաձիգներով գնդակոծել են ղպտի քրիստոնյաների տեղափոխող ավտոբուսը: Հարձակումը տեղի Է ունեցել Եգիպտոսի հարավի Էլ Մինյայի նահանգի Էլ Ադավա բնակավայրից արեւմուտք՝ Սուրբ Սամուիլի վանքի շրջանում: Քրիստոնյաները վանք Էին մեկնել Բենի Սուեյֆից:
Ենթադրաբար, ավտոբուսով շարասյանը կարող Էին հետեւել նաեւ մեկ միկրոավտոբուս եւ մեկ ջիպ՝ բաց բեռնախցիկով, որտեղ նույնպես կարող Էին գտնվել մարդիկ: Ավտոբուսներում կարող Էին լինել բազմաթիվ երեխաներ: Ղպտի եկեղեցու ներկայացուցիչները հայտնում են 35 զոհվածների մասին:

Եգիպտոսի անվտանգության ուժերն ստուգում են հարձակման շրջանը, վանքի մատույցները շրջափակված են:
Եգիպտոսի նախագահ Աբդել Ֆաթահ աս Սիսին Անվտանգության ազգային խորհրդի արտահերթ նիստ Է գումարում՝ երկրի հարավում քրիստոնյաների տեղափոխող ավտոբուսի վրա կատարված հարձակման կապակցությամբ, հաղորդել Է ՌԻԱ Նովոստին: