Եվրահանձնաժողովն առաջարկել է ստեղծել եվրոյի գոտու ֆինանսների նախարարություն

Եվրահանձնաժողովն (ԵՀ) առաջարկել է մինչեւ 2025 թվականն ստեղծել եվրոյի գոտու ֆինանսների նախարարություն: Այս մասին հայտարարել է տնտեսական եւ ֆինանսական հարցերի եվրակոմիսար Պիեռ Մոսկովիսին՝ ներկայացնելով հանձնաժողովի առաջարկությունները մինչեւ 2025 թվականը Եվրոպայի դրամական միության զարգացման վերաբերյալ:

«Մինչեւ 2025 թվականը եվրոյի գոտու ֆինանսների նախարարության կամ գանձապետարանի ստեղծումը թույլ կտա զգալիորեն բարձրացնել միության ֆինանսական եւ տնտեսական կառավարման արդյունավետությունը»,- ասել է Մոսկովիսին, հաղորդել է ՏԱՍՍ-ը: