Թրամփը Պուտինի հետ կայանալիք հանդիպմանը մտադիր է առաջին հերթին քննարկել Սիրիայի իրադրությունը. CNN
Աշխարհ
ԱՄՆ-ի նախագահ Դոնալդ Թրամփը Ռուսաստանի նախագահ Վլադիմիր Պուտինի հետ կայանալիք հանդիպմանը մտադիր է առաջին հերթին քննարկել Սիրիայի իրադրությունը, ինչպես նաեւ ՌԴ-ի կողմից Սիրիայի նախագահ Բաշար Ասադին ցույց տրվող աջակցությունը: Հուլիսի 3-ին այս մասին հաղորդել է CNN հեռուստաալիքը՝ վկայակոչելով աղբյուրներ:
Հեռուստաալիքի աղբյուրները կարծում են, որ հանդիպմանը Թրամփը նաեւ կարող է բարձրացնել ուկրաինական հարցը, սակայն ամերիկյան նախագահական ընտրություններին ՌԴ-ին վերագրվող միջամտության թեման հազիվ թե արծարծվի: Ըստ որում, ինչպես նշում է CNN-ը, հանդիպման պաշտոնական պլան առայժմ չկա: Հունիսի 29-ին ազգային անվտանգության գծով Միացյալ Նահանգների ղեկավարի օգնական Հերբերտ Մակմասթերը հայտարարել է, որ Թրամփը մտադիր է հուլիսի 7 – 8-ը Համբուրգում G20-ի գագաթնաժողովի շրջանակներում հանդիպել ռուսաստանցի պաշտոնակցի հետ:
Ինչպես հունիսի 30-ին հաղորդել է ՌԴ-ի նախագահի մամուլի քարտուղար Դմիտրի Պեսկովը, Համբուրգի գագաթնաժողովում ՌԴ-ի եւ ԱՄՆ-ի նախագահների հանդիպման ձեւաչափի եւ ժամանակի հարցը մշակվում է դիվանագիտական ուղիներով, հաղորդել ՏԱՍՍ-ը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
