Լապշինը պահանջում է նոր Նյուրնբերգ Ադրբեջանի համար

Քաղաքագետ Գագիկ Համաբարյանը ֆեյսբուքյան իր էջում գրում է․

Մի քանի օր առաջ ադրբեջանական գերությունից ազատագրված հայտնի բլոգեր Ալեքսանդր Լապշինը շարունակում է իր facebook-յան էջում պատմել Ադրբեջանում անցկացված օրերի և ազերի պաշտոնյաների հետ շփումների տպավորությունների մասին։

Լապշինն ապշած է ազերի բարձրաստիճան պաշտոնյաների, դատախազների այն հայտարարություններից, որտեղ վերջիններս ափսոսանք են հայտնել, որ հայերի ցեղասպանությունը ամբողջական չի եղել․ «Եթե ցեղասպանության ենթարկված լինեին, ապա մեզ համար հեշտ կլիներ»,- ասել են ազերի դատախազները։ Քոչվորների հետնորդները Լապշինին նաև պատմության դասեր են տվել և բացահայտել, որ հայերը գնչուներ են։ Լապշինի համար սարսափելին այն է, որ այս հայտարարություններն անում է ոչ թե անտուն ինչ-որ մեկը, այլ դատախազները, ովքեր, ըստ բլոգգերի, հայտնում են պետության տեսակետը։ Լապշինը հարց է բարձրացնում, թե որտեղ է նոր Նյուրնբերգ։ Չնայած, նա չի կասկածում, որ դրա ժամանակն էլ կգա։

Լապշինը մեղադրել է ադրբեջանական իշխանություններին գաղթականների շրջանում հակահայ քարոզ տանելու և վերջիններիս բոլոր դժբախտությունների մեջ հայերին մեղադրելու համար։

Լապշինը շարունակում է լուսաբանել #azeromarazm-ը...