ՀՀ գլխավոր դատախազությունն արձագանքել է «168 ժամ» օրաթերթում հրապարակած հոդվածին

«168 ժամ» օրաթերթի` 2011 թ.-ի նոյեմբերի 15-ի համարում հրապարակվել է հոդված` «Ամուսինն ու սկեսուրը գողացել են երեխային» վերնագրով, որում 29-ամյա Արմինե Սահակյանը պնդում է, որ իր ամուսինը և սկեսուրը գողացել են իր 3-ամյա որդուն և իրեն թույլ չեն տալիս հանդիպել որդու հետ:

ՀՀ գլխավոր դատախազությունը վերոհիշյալ հոդվածն ուղարկել է Երևան քաղաքի Աջափնյակ և Դավիթաշեն վարչական շրջանների դատախազին` ՀՀ ոստիկանության ՔԳՎ Մաշտոցի քննչական բաժնին հանձնարարելու քննության առարկա դարձնել հոդվածում մատնանշված հանգամանքները: