Հովհաննես Սահակյան. «Զրպարտության և վիրավորանքի մասին օրենքը պետք է գործի ինքնակարգավորման դաշտի շրջանակներում»

«Այս օրենքը բավականին լուրջ քննարկումների առիթ տվեց, և առանձին հանդիպումներից ու քննարկումներից ելնելով, կարող եմ ասել, որ  օրենքի նկատմամբ վերաբերմունքը դրական է»,- այսօր կայացած ասուլիսին ՀՀԿ պատգամավոր Հովհաննես Սահակյանը հանդես եկավ իր դիտարկումներով` զրպարտության և վիրավորանքի օրենքի, ինչպես նաև ՍԴ-ի որոշման հետ կապված։

«Կարծում եմ` պատահական չի, որ ՍԴ-ն չճանաչեց հակասահմանադրական տվյալ օրենքը և ընդամենը անդրադարձավ օրենքի կիրառմանը։ Եթե վեր ենք հանում, ապա տեսնում ենք, որ սա մի ոլորտ է, որտեղ ավելի շատ պետք է գործի ինքնակարգավորման դաշտը։ Մարդ ինքը պետք է կարողանա հասկանալ, թե ո՞ր դեպքերում ինքը կարող է դիմել դատարան՝ պահանջելու իր արժանապատվության համար փոխհատուցում, որը միայն ֆինանսականը չէ։ Այդ հարցին անդրադարձել է նաև ՍԴ–ն, և երբ նայում ենք ՍԴ-ի որոշումը, ապա պարզ է դառնում, որ եվրոպական մի շարք երկրների նման ողջունում են օրենքի ապաքրեականացումը, բայց կիրառման հարցում սա այն օրենքը  չի, որը պետք է կարգավորվի դատարանների որոշումներով»։