10 ոչ հայտնի, սակայն սարսափելի ռազմական հանցագործություններ

Բլայբուրգյան սպանդ

1945-ի մայիսին հարավսլավական պարտիզանները ներխուժեցին Ավստրիայի տարածք, և Ավստրիայի ու Սլովենիայի սահմանին գտնվող Բլայբուրգ քաղաքի մերձակայքում կազմակերպեցին Ավստրիա փախչող խորվաթ ուստաշների ու սլովենացի կոլաբորացիոնիստների զանգվածային սպանդ: Իրադարձության ընթացքում գերմանական բլոկի զինվորները փորձում էին փրկվել Հարավսլավիայի տարածքում խորհրդային ուժերից: Հազարավոր մարդիկ սպանվեցին կամ բանտարկվեցին աշխատանքային ու համակենտրոնացման ճամբարներում:

Զանգվածային սպանություններ Վիշեգրադում

Այս երևույթը հայտնի է նաև Վիշեգրադյան ցեղասպանություն անվանմամբ: Բոսնիական պատերազմի սկզբին հարավային Բոսնիայի էթնիկ մաքրման ժամանակ բոսնիական բնակչության զանգվածային սպանություն իրականացրին: Համաձայն նախկին Հարավսլավիայի միջազգային քրեական դատավարության տրիբունալի փաստաթղթերի՝ շուրջ 3 հազար բոսնիացիներ են սպանվել այս ընթացքում, այդ թվում՝ 600 կին ու 119 երեխա:

Քիմիական հարձակում Գութայում

Քիմիական հարձակումը տեղի ունեցավ 2013 թ. օգոստոսի 1-ին՝ Սիրիական պատերազմի ժամանակ: Դամասկոսի շրջակա տարածքը, որը գտնվում էր օպոզիցիայի հսկողության ներքո, քիմիական նյութերով բեռնված հրթիռակոծվեցին: Տուժածների թիվը տատանվում է 281-1729 միջակայքում, որոնց թվում շատ երեխաներ կային: Սա իրանա-իրաքյան պատերազմում քիմիական զենքի ամենամահացու օգտագործումն էր:

Նիսուր հրապարակի սպանդը

2007թ. սեպտեմբերի 16-ին Blackwater մասնավոր ռազմական կազմակերպության մարտիկները գնդակահարեցին իրաքցի 17 խաղաղ բնակիչների Բաղդադի Նիսուր հրապարակում: Դժբախտությունը տեղի ունեցավ Blackwater-ի աշխատակիցների սխալ գործողությունների հետևանքով, որոնք ԱՄՆ-ի պետդեպարտամենտին հանդիպման էին ուղեկցում ԱՄՆ-ի Միջազգային զարգացման գործակալության հետ արևմտյան Բաղդադում:

Սպանություն Կլեցկում

Կլեցկում տեղի ունեցավ Կոսովոյի 22 սերբերի զանգվածային սպանություն, որոնցից շատերը երեխաներ էին: Մեղավոր ճանաչվեցին Կոսովոյի ազատագրական բանակի անդամները: Բանակի զինվորները փորձեցին ազատվել դիերից դրանք վառարանում այրելով: Հարավսլավյան արտաքին գործերի նախարարությունը համարեց այս սպանությունները «նացիստական ոճով հանցագործություն»:

Անֆալ օպերացիա

Ալ-Անֆալ անունով նախագիծը հայտնի նաև որպես Իրաքի հյուսիսում քրդերի ցեղասպանություն իրանա-իրաքյան պատերազմի վերջնական փուլերում: Օպերացիան գլխավորում էր Ալի Հասան ալ-Մաջիդը: Էթնիկ մաքրումը ներառում էր նաև այլ ազգերի ներկայացուցիչների՝ ասորիների, շաբաքների, իրաքյան թուրքմենների, եզդիների: Մի շարք գյուղեր, որոնք այս փոքրամասնություններին էին պատկանում, ոչնչացվեցին:

Սև կիրակի

1975-ի դեկտեմբերի 6-ին սպանությունների շարք ու զինված բախումներ տեղի ունեցան Բեյրութում՝ Լիբանանի քաղաքացիական պատերազմի սկզբնական փուլում: Ժամերի ընթացքում հարյուրավոր մարդիկ զոհվեցին, որոնց մեծ մասը քաղաքացիներ էին: Համաձայն պատմաբանների գնահատականների՝ զոհերի ընդհանուր թիվը տատանվում է 200-600-ի միջակայքում:

Սպանություն Տեյ Վինում

Սպանությունների ալիք տեղի ունեցավ 1966-ի փետրվարի 1-ից մարտի 17-ն ընկած ժամանակահատվածում Կորեական հանրապետական բանակի մայրաքաղաքային դիվիզիայի մեղքով: Բին կամ Տեյ Բին գյուղի 1200 անզեն, խաղաղ քաղաքացիներ սպանվեցին:

Բերսիեպ

Այս անվանումը հոլանդացիները տվեցին Ինդոնեզյան ազգային հեղափոխության ամենաարյունալի փուլին, որը հետևեց Երկրորդ աշխարհամարտի ավարտին: Այն տևեց 1945-ի օգոստոսից մինչև 1946-ի դեկտեմբեր: Կյանքից զրկվեցին շուրջ 5 հազար խաղաղ հնդեվրոպացիներ, հոլանդացիներ:

Կատինի հրաձգություն

Զանգվածային գնդակահարություններ իրականացվեցին 1940 թվականի ապրիլից մայիսն ընկած ժամանակահատվածում Կատինին մոտ անտառներում: Ավելի շուտ այս հանցագործությունները համարվում էին նացիստների ձեռքի գործը, սակայն 1990-ին Գորբաչովը խոստովանեց, որ լեհ ազգայնականների ու հասարակ քաղաքացիների գնդակահարությունները տեղի են ունեցել ՆԿՎԴ-ի որոշմամբ: Զոհերի թիվը հասնում է 22 հազարի: