Սպորտի նախարարը`բասկետբոլի հավաքականի Եվրոբասկետին մասնակցելու հնարավորության մասին

Հայաստանի բասկետբոլի հավաքականը դեռևս հնարավորություն ունի մասնակցելու Եվրոբասկետ-2021 որակավորման փուլին:

Lագրողների հետ հանդիպման ժամանակ փաստեց ՀՀ սպորտի և երիտասարդության հարցերի նախարար Լևոն Վահրադյանը: 

«Ֆեդերացիայի հետ տարվում են աշխատանքներ՝ Եվրոպայի առաջնության որակավորման փուլին մասնակցելու վերաբերյալ: Որքանով որ ես եմ տեղյակ, խնդիրը տեխնիկական էր և մեզանից կախված չէր: Կարծես ամեն ինչ դեռևս կորսված չէ»,-ասաց Վահրադյանը:

Ավելի վաղ տեղեկացրել էինք, թե Հայաստանի բասկետբոլի հավաքականը չի մասնակցի Եվրոբասկետ-2021 նախընտրական փուլին: Հայաստանի հավաքականն իրավունք էր ստացել մասնակցել «Եվրոբասկետ-2021»-ի նախընտրական 2-րդ փուլին, որը մեկնարկում է սեպտեմբերին:

Հաշվի առնելով այն հանգամանքը, որ ներկայումս Հայաստանում չկա նախընտրական 2-րդ փուլի պահանջներին համապատասխանող մարզադահլիճ, Հայաստանի բասկետբոլի ֆեդերացիան որոշում է կայացրել հրաժարվել նախընտրական 2-րդ փուլին մասնակցելու իրավունքից: Հայաստանի փոխարեննախընտրական փուլում հանդես կգա Կիպրոսը: