Երևանում 33-ամյա տղամարդը «սխալ խաղադրույքի պատճառով» դաժանորեն սպանել է բուքմեյքերական գրասենյակի աշխատակցին

Ըստ առաջադրված մեղադրանքի՝ 2015 թվականի դեկտեմբերի լույս 24-ի գիշերը՝ ժամը 1-ի սահմաններում Կարեն Շահինյանը, գտնվելով Երևանի Մայիսի 9-ի փողոցում գործող «Գուդվին Բետ» բուքմեյքերական գրասենյակում, խաղադրույքներ է կատարել և տանուլ տալով՝ շահադիտական դրդումներով՝ գրասենյակի չհրկիզվող պահարանից գումար հափշտակելու նպատակով սպանել է գրասենյակի աշխատող Արթուր Ն.-ին՝ դանակի 23 հարված հասցնելով նրա գլխին, պարանոցին, կրծքավանդակի աջ և ձախ կեսերին, որովայնին, ձեռքերին… Այնուհետև, ըստ մեղադրանքի, Կարեն Շահինյանը գրասենյակի չհրկիզվող պահարանից հափշտակել է 189 հազար 650 դրամ գումար և դիմել է փախուստի:

Նախաքննական մարմինը Կարեն Շահինյանին մեղադրանք էր առաջադրել ծանրացուցիչ հանգամանքում՝ շահադիտական դրդումներով սպանություն կատարելու համար՝ ՀՀ քրեական օրենսգրքի 104 հոդվածի 2-րդ մասի 8-րդ կետով:

2015 թվականի դեկտեմբերի 24-ին Կարեն Շահինյանի նկատմամբ հայտարարվել է հետախուզում: Նա հայտնաբերվել է 2016 թվականի փետրվարի 18-ին Ռուսաստանի Օրենբուրգի շրջանում և առնվել է արգելանքի տակ, ապա տեղափոխվել է Հայաստան:

1983 թվականին ծնված Կարեն Շահինյանը, ըստ դատական ակտի, նախկինում՝ 2010 թվականին դատապարտվել էր թմրամիջոցների հետ կապված հանցավոր արարքների համար, ազատություն էր դուրս եկել 2014 թվականի ապրիլի 22-ին: Դատվածությունը մարված չէր:

Դատարանում Կարեն Շահինյանը իրեն մասնակի է մեղավոր ճանաչել: Նա հայտնել է, որ պարբերաբար խաղադրույքներ է կատարել «Գուդվին» բուքմեյքերական գրասենյակում: Մտերմացել է գրասենյակի աշխատող Արթուր Ն.-ի հետ:

Դեպքի նախորդ օրը՝ 2015 թվականի դեկտեմբերի 23-ի առավոտյան, ինքը գնացել է ծնողների տուն: Եղբոր հետ գնացել է բանկ, եղբայրը վարկով գումար է վերցրել ու խոստացել է երեկոյան իրեն 500 դոլար տալ՝ ամանորյա ծախսերի համար:

Մինչև եղբոր խոստացած գումարը վերցնելը ինքը զանգել է «Հրազդան» ՔԿՀ-ում պատիժ կրող ծանոթ դատապարտյալ Անդրանիկին ու պարտքով գումար է խնդրել նրանից: Անդրանիկը չի մերժել, ասել է, թե ումից կարող է պարտքով 50 հազար դրամ վերցնել: Ինքը Անդրանիկի ասած մարդու հետ հանդիպել ու վերցրել է այդ գումարը:

Դրանից հետո եղբայրն իրեն տվել է 500 դոլար ու 40 հազար դրամ:

Երեկոյան ինքը գնացել է «Գուդվին» բուքմեյքերական գրասենյակ և խաղադրույքներ է կատարել: Այնտեղ տանուլ է տվել, գնացել է մեկ այլ գրասենյակ, շարունակել է դրույքներ կատարել:

Տուն գնալու ճանապարհին զանգել է «Գուդվինի» աշխատող Արթուրին, իմացել է, որ նա դեռ գրասենյակում է: Ինքն էլ է գնացել այնտեղ:

Խաղադրույքներ է կատարել «Լոտո» խաղի վրա: Երբ ցանկացել է տուն գնալ, Արթուրը խնդրել է, որ սպասի՝ իրեն էլ մեքենայով տուն տանի, քանի որ իրենք մոտիկ են ապրել: Ինքը համաձայնել է:

Այդ ընթացքում Արթուրը հաշվարկ է կատարել, իսկ ինքը շարունակել է խաղադրույքներ կատարել:

Մանրամասները՝ ԱՅՍՏԵՂ: