Հայաստանի ռուսական ռազմակայանի հացթուխները մինչեւ 400 կիլոգրամ հաց են թխում դաշտային պայմաններում

 Հայաստանի ռուսական ռազմակայանի նյութատեխնիկական ապահովման ստորաբաժանումների զինծառայողները «Կամխուդ» եւ «Ալագյազ» բարձրլեռնային զորափորձարաններում թարմ հացով ու տաք կերակուրներով են ապահովում երկկողմ վաշտային մարտավարական վարժանքների մասնակիցներին:

Ինչպես տեղեկացրեցին ՌԴ Հարավային ռազմական օկրուգի մամուլի ծառայությունից, վարժանքների ընթացքում երիտասարդ խոհարարներն ու հացթուխները դաշտային պայմաններում պատրաստում են բազմազան ճաշատեսակներ եւ հաց թխում: Նաեւ զինծառայողները կատարում են ԿՊ-130, ՊԱԿ-200 դաշտային խոհանոցները եւ ՊԽՊ-0,4 հացաթխման վառարանները երթայինից մարտական դրության բերելու նորմատիվները:

Զինվորական խոհարարներն ու հացթուխները օրական թխում են մինչեւ 400 կիլոգրամ հաց եւ տաք սնունդով ապահովում 500-ից ավելի զինծառայողների: Երկկողմ վաշտային մարտավարական վարժանքները Հայաստանում անցկացվում են ռուսական զորամիավորման հրամանատար գնդապետ Վլադիմիր Ելկանովի ղեկավարությամբ օգոստոսի 20-ից մինչեւ սեպտեմբերի 15-ն ընկած ժամանակաշրջանում: Օրական դրանց մասնակցում են 500-ից ավելի զինծառայողներ, վարժանքներում գործի Է դրված շուրջ 100 միավոր ռազմական տեխնիկա: