Արդարադատության նախարարությունը հակված է համաներում շնորհելուն
Իրավունք
Համաներում շնորհելու հարցում շահագրգիռ է նաև ՀՀ արդարադատության նախարարությունը:
Այս մասին սեպտեմբերի 6-ին ԱԺ արտահերթ նիստի ընթացքում, պատասխանելով ԱԺ պատգամավոր Նաիրա Զոհրաբյանի հարցին, հայտնեց ՀՀ արդարադատության նախարարի առաջին տեղակալ Արմեն Հովհաննիսյանը:
«Համաներման արդյունքում բեռնաթափում կլինի քրեակատարողական հիմնարկներում, այս հարցում շահագրգիռ է նաև արդարադատության նախարարությունը»,- նշեց նա:
Արմեն Հովհաննիսյանի խոսքով՝ նա չի կարող ասել, թե կառավարությունը երբ է քննարկելու համաներում շնորհելու հարցը, քանի որ այն ունի գաղտնիության ռեժիմ:
ԱԺ պատգամավոր Նաիրա Զոհրաբյանը նշեց, որ հատկապես պետք է ուշադրություն դարձնել ցմահ դատապարտյալների և առավել ծանր հանցանք գործած դատապարտյալների հարցերին:
Մեր ՔԿՀ-ները գերծանրաբեռնված են: Վերջին անգամ համաներում շնորհվել է 2013 թ.: Համաներումն այսօր իրապես անհրաժեշտ է: Հատկապես ձեր ուշադրությունը հրավիրում եմ ցմահ դատապարտյալների կամ առավել ծանր հանցագործություն կատարածների դեպքերին, որովհետև իրենք զրկված են, նույնիսկ, իրենց հարազատների հուղարկավորության արարողություններին մասնակցելու հնարավորությունից:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
