Հայաստանի վերջին իրադարձությունները Ռուսաստանի համար անհասկանալի գործողություններ են. Ալեն Սիմոնյան
Ռուսաստան
Ես բազմիցս ասել եմ, որ այն, ինչ դուք անվանում եք լարվածություն, ես անվանում եմ իրավիճակի հետ կապված զգուշավորություն։ Հայ-ռուսական հարաբերությունների վերաբերյալ լրագրողներին ասաց ԱԺ պատգամավոր ԵԼՔ խմբակցության պատգամավոր Ալեն Սիմոնյանը։
Նա նշեց, որ Հայաստանի վերջին իրադարձությունները Ռուսաստանի համար անհասկանալի գործողություններ են։
«Ընդամենը 10 օրվա ընթացքում իշխանության եկավ մի ուժ, որը նախկինում ընդդիմություն է եղել»,-նկատեց Ալեն Սիմոնյանը։
Պատգամավորը կարծում է, որ հայ-ռուսական հարաբերությունները լավ մակարդակում են գտնվում։
«Մենք անելու ենք ամեն ինչ, որ ավելի լավ մակարդակում գտնվեն այդ հարաբերությունները, բայց մի բան էլ եմ ուզում շեշտել՝ այսօր ՀՀ-ն ունի լեգիտիմ իշխանություն, որը վայելում ոչ միայն Հայաստանի, այլ աշխարհի հայության մեծ մասի հավանությունը։ Այս իրավիճակը նոր է, որովհետև մինչ օրս մենք ունեցել ենք չընտրված նախագահներ։ Ես գտնում եմ, որ վերջին երկու նախագահները չեն ընտրվել, չեն եղել մարդկանց գիտակցության մեջ նախագահ, և այդ փաստը շատ ազդել է թե՛ երկկողմ հարաբերությոնների, թե՛ բանակցությունների վրա»,-ասաց Սիմոնյանը։
Նա գտնում է, որ հարաբերությունները ուսումնասիրության փուլում են։
«Հանդիպումները երկկողմ են։ Սա խոսում է նրա մասին, որ մենք երկկողմ գնում ենք շատ լավ, շատ ընկերական, գործընկերային հարաբերությունների»,-ավելացրեց պատգամավորը։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
