Հայաստանի հավաքականը հաղթանակով մեկնարկեց Ազգերի լիգայում (տեսանյութ)

Հայաստանի հավաքականը հաղթանակով մեկնարկեց Ազգերի լիգայում:

Առաջին տուրում մեր ընտրանին Հանրապետական մարզադաշտում հյուրընկալեց Լիխտենշտեյնի ազգային հավաքականին և հաղթեց 2:1 հաշվով:

Խաղի 30-րդ րոպեին Մարկոս Պիզելին հեռահար հարվածով գրավեց մրցակցի դարպասը: 4 րոպե անց մրցակիցը հավասարեցրեց հաշիվը. գոլի հեղինակ դարձավ Վոլֆինգերը: 69-րդ րոպեին նշանակված 11 մետրանոցը անարդյունավետ իրացրեց Մխիթարյանը:

Վարդան Մինասյանի թիմին հաղթանակ բերեց 74-րդ րոպեին Տիգրան Բարսեղյանի խփած գոլը:

Նշենք, որ Լիխտենշտեյնի ընտրանին 74-րդ րոպեից մնաց 10 հոգով. երկրորդ դեղինը ստացավ և դաշտից հեռացվեց Պոլվերինոն:

 Լուսանկարը` ՀՖՖ-ի մամուլի ծառայության: