Դատախազի տեղակալի ունեցվածքը. «Փաստ»
Հայկական Մամուլ
«Փաստ» օրաթերթը գրում է.
ՀՀ գլխավոր դատախազի տեղակալ Արմեն Հարությունյանի դրամական միջոցները 2017թ. սկզբին կազմել են 53 մլն ՀՀ դրամ: Այս մասին տեղեկանում ենք Բարձրաստիճան պաշտոնատար անձանց էթիկայի հանձնաժողովի կայքում հրապարակված նրա` 2017թ. տարեկան հայտարարագրից:
Արմեն Հարությունյանի եկամուտների հանրագումարը նշված տարում կազմել է 16 590 899 ՀՀ դրամ: Աշխատավարձից ստացած եկամուտը 2017թ. կազմել է 10 470 899 ՀՀ դրամ: Նա եկամուտներ է ստացել նաև վարձակալության դիմաց ստացած վճարից:
Նշված միջոցով ստացած եկամուտները կազմել են 5 400 000 և 720 000 ՀՀ դրամ: Իսկ փոխառություններից (վարկեր) ստացված եկամուտը կազմել է 13 551 ԱՄՆ դոլար: Արմեն Հարությունյանը անշարժ և շարժական գույք չի հայտարարագրել:
Նշենք, որ մինչ այդ Ա. Հարությունյանն աշխատել է Պաշտպանության նախարարությունում, ավելի ուշ նշանակվել է ՀՀ քննչական կոմիտեի նախագահի տեղակալ, զինվորական քննչական գլխավոր վարչության պետ: Դատախազի տեղակալի պաշտոնը նա ստանձնել է 2015 թվականին:
Մանրամասները՝ «Փաստ» օրաթերթի այսօրվա համարում:
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
