ՀՀ վարչապետը կարևորում է Հայաստանն ագրարային երկրից տեխնոլոգիական երկրի վերածելը
Ռուսաստան
Հայաստանի Հանրապետության վարչապետ Նիկոլ Փաշինյանը գտնում է, որ կառավարությունը պետք է աշխատի Հայաստանն ագրարային երկրից տեխնոլոգիական երկրի վերածելու ուղղությամբ: Ինչպես Մոսկվայից հաղորդում է «Արմենպրես»-ի թղթակիցը, վարչապետն այս մասին ասաց Մոսկվայում ռուսաստանաբնակ հայ գործարարների հետ հանդիպման ընթացքում:
Գործարարների հետ հանդիպմանը ՀՀ վարչապետը կարևորեց տեքստիլի, կոշիկի արտադրության, թեթև արդյունաբերության, ադամանդագործության, ոսկերչության, սննդամթերքի արդյունաբերության, տուրիզմի, ինտենսիվ գյուղատնտեսության զարգացումը:
«Բայց ընդհանուր առմամբ ռազմավարական առումով մենք պատկերացնում ենք, որ պետք է աշխատենք Հայաստանն ագրարային երկրից տեխնոլոգիական երկրի վերածելու ճանապարհով, որովհետև դա բխում է նաև մեր անվտանգային միջավայրի կարիքներից»,- նշեց վարչապետը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
