Չալյանը հաղթել է Ջուլֆալակյանին Լեհաստանի մրցաշարի եզրափակչում
Սպորտ
Հունահռոմեական ոճի ըմբշամարտի Հայաստանի հավաքականն ավարտեց ելույթները Լեհաստանի միջազգային մրցաշարում:
77 կգ քաշային կարգի եզրափակիչում մրցում էին Հայաստանի երկու ներկայացուցիչները` Օլիմպիական խաղերի փոխչեմպիոն Արսեն Ջուլֆալակյանը և Կարապետ Չալյանը: Այստեղ հաղթող դուրս եկավ Չալյանը և դարձավ մրցաշարի ոսկե մեդալակիր:
Ավելի վաղ` հունահռոմեական ոճի ըմբշամարտի Վլադիսլավ Պետլյանսկու հուշամրցաշարում 55 կգ քաշային Նորայր Հակոբյանը եզրափակչում 10:2 հաշվով հաղթեց բուլղար Նեդյալկո Պետրովին: 63 կգ քաշային Սլավիկ Գալստյանը տուշեով առավելության հասավ բուլղարացի Նիկոլայ Վիչևիի նկատմամբ:
Օլիմպիական խաղերի, աշխարհի և Եվրոպայի չեմպիոն Արթուր Ալեքսանյանը կիսաեզրափակիչում տուշեով պարտվեց ԱՄՆ ներկայացուցիչ Թրեյսի Հանկակին, սակայն իրավունք ստացավ մրցել բրոնզե մեդալի համար: Ալեքսանյանը վնասվածքի պատճառով չի ներկայացել այս գոտեմարտին:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
