ՊԵԿ նախագահը՝ 26 000 գրանցված աշխատողների և Ծառուկյանի բիզնեսներում ստուգումների մասին
Քաղաքական
ՀՀ պետական եկամուտների կոմիտեի ղեկավար Դավիթ Անանյանն այսօր ամփոփեց վերջին երեք ամսում իրականացված աշխատանքները։
Ըստ Անանյանի, ՀՀ պետական եկամուտների կոմիտեն այս տարվա մայիսից սկսած, շուրջ 190 գազալցակայաններում իրականացրել է տարբեր հսկողական աշխատանքներ, 110-ում արձանագրվել են խախտումներ, ինչի արդյունքում կիրառվել են պատասխանատվության միջոցներ։
ՊԵԿ նախագահն առանձնացրեց, որ 2018 թվականի մայիսից արձանագրվել է գրանցված վարձու աշխատողների աճ, այսինքն՝ հուլիսին, մայիսի համեմատ, առևտրային հարկ վճարողների մասով առկա է շուրջ 26.000 գրանցված աշխատողի ավելացում։
Այն ճշտող հարցին, թե մամուլը հրապարակել էր դիմակավորված անձանց կողմից Գագիկ Ծառուկյանի «օբյեկտենրում» ստուգումներ իրականացնելու մասին, որքանո՞վ է դա համապատասխանում իրականությանը, ՊԵԿ նախագահ Դավիթ Անանյանը հերքեց այդ տեղեկությունը. «ՊԵԿ-ը չունի դիմակավորված անձնակազմ, ՊԵԿ-ն ունի հատուկ բաժնի աշխատակիցներ, որոնք դիմակավորված չեն, բայց ունեն համազգեստ: Այդ անձինք, երբ գնում են իրենց գործողություններն իրականացնելու, գնում են առանց զենքի»:
Իսկ այն 190 գազալցակայանների շարքում, որոնցում ՊԵԿ-ը տուգումներ է իրականացրել, ՊԵԿ նախագահի խոսքով՝ չկան Գագիկ Ծառուկյանի գազալցակայանները:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
