Անցնող շաբաթվա ամենաուշագրավ գրառումները

Ձեր ուշադրությանն ենք ներկայացնում անցնող շաբաթվա ընթացքում սոցիալական ցանցերում տեղ գտած առավել ուշագրավ գրառումները:

Բնապահպան Լևոն Գալստյանը ֆեյսբուքյան իր էջում գրել է. «Այս պահի դրությամբ 2 ընկերությունների մասին կա տեղեկություն, որոնք Ամուլսարի տարածքում աշխատանքներ պիտի անեն օֆշորային հանքահենների համար։ Մեկը պահնորդական ընկերությունն է՝ «ՀԱՏՈՒԿ ԱՆՎՏԱՆԳՈՒԹՅԱՆ ԾԱՌԱՅՈՒԹՅՈՒՆ» ՍՊԸ (ՀՎՀՀ 01276734), իսկ մյուսը շինարարական՝ «ԷԿՈ ԲԻԼԴԻՆԳ» ՍՊԸ (ՀՎՀՀ 08914368)։ Երկուսն էլ սրել են իրավիճակը տարածքում, ըստ էության, սադրանքներ, վեճեր ու կռիվներ են հրահրում, որի մասին արդեն մոտ 1 ամիս է ասվում է։ 

ԲՀԿ-ական պատգամավոր Նաիրա Զոհրաբյանը ֆեյսբուքյան իր էջում գրել է․ ««Պերսոնա նոն գրատա» հայտարարված գրականությունն ու քոչվորիզմը Հանդարտ հետևում եմ դպրոցներում հայ գրականությունը կռտելու իդեայի շուրջ ծավալված դիսկուրսին։ Բացի մեկ- երկու տրամաբանված խոսքից, մնացածը էմոցիոնալ հուզաշարժումներ են։ Էս օրերին ով չալարեց, իր էջում Նարեկացու ողբից մի կտոր ու Շնորհալու տաղերից մի քառյակ դրեց՝ պաթետիկ տեքստի հետ:Քուչակի հայրեններից ու Սայաթ-Նովայի տաղերից մի կտոր արտասանելը էս օրերին դարձավ հայրենասիրության տուրքի պես մի բան։ Իսկ իրականում, ես մշտապես կողմ եմ եղել, որ մեր գրականություն թարմ արյուն ներարկվի ու մեր երեխաները Շնորհալուց, ֆրիկից ու Երզընկացուց բացի իմանան Թոմաս Հարդին, Թեդ Հյուզին ու Փաունդին, իմանան Բուքովսկուն ու Էդգար Պոյին, Քուրթ Վոնեգութին, Ֆոլքներին, Քոհենին ու Ջոյսին։ Բայց որպեսզի կարողանանք քայլել Ջոյսի 18 ծանր գլուխների միջով, պիտի կուլ տված ու մարսած լինենք մի ողջ համաշխարհային գրականություն։ Այլապես, Ջոյսի լաբիրինթներում կկորենք։ 

Արցախի նախագահ Արայիկ Հարությունյանը ֆեյսբուքյան իր էջում գրել է․ «Սուրբ Սոֆիան այսօր նորից վերածվեց մզկիթի: Այս ուրբաթն այդ պատճառով համաշխարհային լրատվամիջոցներից մեկի կողմից «տխուր օր» դիպուկ բնորոշումը ստացավ։ Որպես հայ քրիստոնյա՝ չեմ կարող վերաբերմունքս չարտահայտել «անպաշտպան» մնացած տաճարի դեմ այս ոտնձգության նկատմամբ Քաղաքակիրթ մարդկությունը վաղուց յուրացրել է վարքականոնի մի պարզ նորմ՝ հարգանքն այլոց հավատքի, կրոնական զգացմունքների ու ինքնության, մանավանդ դրանք մարմնավորող հուշարձանների նկատմամբ։ Հարկ չկա ավելորդ անգամ ասելու, որ Արցախում էլ է այդպես։ Մեր հանրապետության բազմաթիվ հյուրերն ու պատմական ժառանգության ուսումնասիրողները վաղուց արձանագրել են այդ իրողությունը։ 

ԱԺ նախկին փոխնախագահ, արդարադատության նախկին նախարար Արփինե Հովհաննիսյանը ֆեյսբուքյան իր էջում գրել է․ «Բանակի հաղթանակները պետք է ամրապնդվեն դիվանագիտական ճակատում, բայց... ավաղ.. Այս երկու տարվա ընթացքում ես աշխատել եմ չանդրադառնալ խորհրդարանական դիվանագիտությանը, նախ՝ քանի որ այն որպես այդպիսին գոյություն չունի, և երկրորդ՝ որպես կանոն որևէ լուրջ պայքարի առիթ խորհրդարանականները չեն ունեցել։ «Վերելակային» դիվանագիտության թե այլ պատճառով մեր ճամփորդ պատգամավորները իրենց «բացառիկ» հմտությունները ցուցաբերելու առիթ չեն ունեցել՝ լինի դա ԵԽԽՎ-ում, Եվրանեսթում, թե մեկ այլ կառույցում: Սակայն, հիմա ինչպես ռազմական ճակատում են տեղի ունենում փոփոխություններ, այնպես էլ ակնհայտորեն իրավիճակը լարվում է դիվանագիտական ճակատում։ Ու եթե մեր բանակը ռազմական ճակատում գործում է փայլուն՝ իրականացնելով իր առջև դրված խնդիրները, ցավոք, նույնը չի կարելի ասել դիվանագիտական ճակատի մասին, որտեղ աջակցությունը Գվատեմալայի ու Սախալինի տիրույթից աննշան է վերև գտնվում։ 

Երևանի ավագանու «Լույս» խմբակցության անդամ Թեհմինա Վարդանյանը ֆեյսբուքյան իր էջում գրել է. «Բաց տարածքներում դիմակ կրելու աբսուրդը գնալով խորանում է և իր հետ խորացնում շատ և շատ քաղաքացիների մոտ լրջագույն առողջական խնդիրներ: Եթե որոշ սուբեկտների կարծիքով դիմակ չկրողը հանցագործ է, իմ կարծիքով, բաց տարածքներում դիմակ պարտադրողները շատ ավելի լուրջ վնաս են հասցնում քաղաքացիների կյանքին: Եվ, երեկ, երբ ջերմաստիճանը 40-42 էր, ոստիկանները հրահանգավորված ռեյդեր էին իրականացնում` շատ լավ հասկանալով, որ բազմաթիվ քաղաքացիներ երբեմն իջեցնում են դիմակներ` շնչահեղձ լինելուց խուսափելու համար: Սա արդեն կարելի է բնութագրել որպես, ինչու ոչ, թշնամական մոտեցում: Ի՞նչ եք ուզում: Ուզում եք մարդիկ փողոցներում ուշաթափվե՞ն: 

«Լուսավոր Հայաստան» խմբակցության պատգամավոր Աննա Կոստանյանը գրառում է կատարել կրթության ոլորտում բարեփոխումների վերաբերյալ։ Նա մասնավորապես գրել է․ «Այս բարդ սոցիալ-տնտեսական, համաճարակային իրավիճակում առցանց ձևաչափով իրականացնում են այնպիսի կարևորագույն հարցերի քննարկումներ, որոնք իրենցից ենթադրում են ռազմավարական փոփոխություններ կրթության ոլորտում։Հասկանալի է, որ հիմա դժվար է դեմ առ դեմ քննարկումներ իրականացնել, բայց զումի միջոցով քննարկել կրթական ու առարկայական չափորոշիչների նախագծերը` մասնագետների ինքնարտահայտման համար սահմանափակ հնարավորությամբ, անթույլատրելի է։ Ռադիկալ փոփոխություններ են արվում, որոնք շատ ծայրահեղ ընկալումներ ու էմոցիաներ են առաջացնում, թե ծնողական, թե աշակերտական, և թե հատկապես մանկավարժական համայնքի շրջանում։

Այս թեմայով ՀԻՄԱ․ Բարձրաստիճան պաշտոնյանները Երևանում են․ ընթանում է 3-րդ Եվրասիական Տնտեսական համաժողովը Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Երկուշաբթի Հակակոռուպցիոն դատարան կներկայանան ՀՀ երկրորդ նախագահ Ռոբերտ Քոչարյանը, նախկին փոխվարչապետն ու այլ պաշտոնյաներ․ գործի վերսկսում Հայաստանում բոլոր գժանոցները պետք է փակել, որովհետև դրանց կլիենտներն այլևս բարձրաստիճան պաշտոնյաներ են․ Սուրեն Սուրենյանց