Ռուսաստանը Մեծ Բրիտանիայի դեսպանատան աշխատակցին մեղադրում է լրտեսության մեջ

Նոյեմբերի 26-ին ՌԴ ԱԳՆ-ն կանչել է Մոսկվայում Մեծ Բրիտանիայի դեսպան Քեյսին, որին խիստ բողոք է ներկայացրել՝ կապված այն տեղեկատվության հետ, որ Մեծ Բրիտանիայի դեսպանատան երկրորդ քարտուղար Ուիլքսը, երբ ստանալով մեր երկիր մուտք գործելու թույլտվություն՝ դիտավորյալ կեղծ տեղեկություններ էր հայտնել իր մասին։ Նման կերպ Ուիլքսը խախտել է «Ռուսաստանի Դաշնությունից դուրս գալու և Ռուսաստանի Դաշնություն մուտք գործելու կարգի մասին» 15.08.1996 Դաշնային օրենքի 26-րդ հոդվածի 2-րդ կետը, ասված է ՌԴ ԱԳՆ հայտարարության մեջ։ 

«Միևնույն ժամանակ, Ռուսաստանի իրավասու մարմինները տեղեկություն են ստացել, որոնք հաստատում են, որ նշված աշխատակիցը պատկանում է բրիտանական հետախուզական ծառայություններին, և հայտնաբերել են նրա կողմից մեր երկրի տարածքում հետախուզական և դիվերսիոն աշխատանքներ իրականացնելու նշաններ։

Ռուսական օրենսդրության խախտման առնչությամբ, ինչպես նաև 1961 թվականի դիվանագիտական ​​հարաբերությունների մասին Վիեննայի կոնվենցիայի 9-րդ հոդվածի համաձայն, բրիտանական կողմը տեղեկացվել է Է. Ուիլքսի հավատարմագրումը չեղյալ համարելու մասին։

Հաշվի առնելով բրիտանացի դիվանագետների վերաբերյալ կանխամտածված կեղծ տեղեկություններ ներկայացնելու բացահայտված փաստը՝ խստացվելու են նշված երկրի դեսպանատան աշխատակիցների կողմից հարցաթերթիկները լրացնելու պահանջները։

Ռուսական կողմը Մեծ Բրիտանիայի քաղաքացիներին խստորեն խորհուրդ է տալիս վիզայի դիմումներ ներկայացնելիս իրենց անցյալի մասին միայն հավաստի տեղեկություններ տրամադրել։

Մեծ Բրիտանիայի դեսպանի ներկայությամբ կրկին շեշտվել է, որ Մոսկվան չի հանդուրժի բրիտանական հետախուզական ծառայությունների չհայտարարված անդամների գործունեությունը ռուսական տարածքում։ Այդ հարցում անզիջում գիծը կձևակերպվի Ռուսաստանի Դաշնության ազգային անվտանգության շահերին համապատասխան։ Բացի այդ, եթե Լոնդոնը սրի իրավիճակը, ռուսական կողմն անմիջապես «հայելային» պատասխան կտա»,-ասված է ՌԴ ԱԳՆ հայտարարության մեջ։

Աղբյուր`  news.am