Մեր պատերազմը այսօր ոչ միայն Ադրբեջանի, այլև Թուրքիայի հետ է. այն չի ավարտվել
ՀասարակությունՇնորհավորում եմ բոլոր հայ ժողովրդին, իմ մարտական ընկերներին, ազատամարտիկներին, երկրապահներին, Հայաստանի և Արցախի ազգաբնակչությանը: Այսօր մեր անկախության օրն է, 29 տարի առաջ այս օրը հիմք դրվեց մեր անկախությանը: Այս մասին այսօր՝ սեպտեմբերի 21-ին, Եռաբլուր պանթեոնում լրագրողների հետ զրույցում հայտարարեց ԵԿՄ նախագահ Սասուն Միքայելյանը:
«Եթե չլիներ ազատամարտիկների համախմբվածությունը՝ մենք այսօր չէինք ունենա պետություն, պետականություն և ուզում եմ՝ բոլորս հասկանանք, որ մենք՝ երկրապահներս, ընդհանրապես ազատամարտը մեծ առաքելություն ունի: Ազատամարտիկը պետք է հարգված լինի ժողովրդի կողմից, չի կարելի մի քանիսի արած գործով երկրապահին ջնջել. երկրապահն իր դերակատարությունն է ունեցել Արցախյան ազամարտում»,- ասաց Միքայելյանը:
Նախագահը նշում է՝ կողմ է աշխարազորի ձևավորմանը. «Պատերազմում երկրորդ, երրորդ պլան չկա, կա առաջին գիծ, կա պատերազմ, որին պետք է պատրաստ լինենք: Պատերազմում ընդհանուր են կռվում ու հաղթում, երկրապահը աշխարհազորի հիման վրա է ձևավորվել՝ Վազգեն Սարգսյանի գլխավորությամբ: Աշխարհազորը երբեք երկրապահին չի խանգարի, երկրապահն էլ՝ աշխարհազորին»:
«Մեր պատերազմը այսօր ոչ միայն Ադրբեջանի, այլև Թուրքիայի հետ է, մենք պետք է մի փոքր զգույշ լինենք: Ռուսաստանն պետք է օգնի Հայաստանին, պետք էլ պետք է ճիշտ քաղաքականություն վարենք: Պատերազմի վտանգ ես այսօր էլ եմ տեսնում, պատերազմը չի ավարտվել, եկեք չմասնատենք Քառօրյա պատերազմ, Տավուշի դեպքեր. մենք պետք է միշտ համախմբված լինենք»,- ընդգծեց նախագահը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
