Քիչ դեպքեր կան, երբ վիրավոր զինվորների ով լինելը դեռ պարզ չէ․ Թորոսյան

Կան քիչ թվով դեպքեր, երբ հիվանդանոցներում պառկած վիրավոր զինվորներն անճանաչելի են, նրանք անգիտակից են, ի սկզբանե՝ իրավիճակով պայմանավորված, հայտնի չէ՝ ովքեր են և որ զորամասից են։ Այս մասին հայտնել է ՀՀ ՊՆ առողջապահության նախարար Արսեն Թորոսյանը։

Նրա խոսքով՝ գիտակցություն ունեցող հիմնականում բոլոր ճանաչված վիրավորները կարողանում են կապ հաստատել ծնողների հետ։

«Շատ քիչ դեպքեր են լինում, որ անճանաչելի վիրավորներ կան, քանի որ անգիտակից են։ Սկզբից իրավիճակով պայմանավորված՝ հայտնի չի լինում՝ նրանք որ զորամասից են, անուն-ազգանուն և այլն։ Նրանց մասով ճանաչման պրոցեսը մի փոքր այլ է, որով կրկին մենք և Պաշտպանության նախարարության մեր գործընկերները զբաղվում են»,- ասել է նախարարը։