Այն դեղամիջոցը, որով Թրամփը բուժում է ստանում կորոնավիրուսի դեմ, կարող է ազդել նրա հոգեկան առողջության վրա․ New York Times

Կորոնավիրուսով վարակված ԱՄՆ նախագահ Դոնալդ Թրամփին տրված դեղերը կարող են էապես ազդել նրա հոգեկան վիճակի վրա, որը կարող է ուղղորդել նրան կարևոր հարցերում սխալ որոշումներ կայացնելուն, գրում է The New York Times- ը: Պարբերականը մեջբերում է փորձագետների կարծիքը, ովքեր ուշադրություն են հրավիրել այն փաստի վրա, որ վարակի ավարտից հետո Թրամփի հակվածությունն անկանխատեսելի գործողությունների և հայտարարությունների նկատմամբ մեծացել է: Պետության ղեկավարի բժշկական թիմի խոսնակ Բրայան Գարիբալդին ասել է, որ բացի «Ռեմդեսիվիր» հակավիրուսային դեղամիջոցից՝ ամերիկացի առաջնորդը ընդունում է նաև «Դեքսամետազոն»՝ ստերոիդ, որը կարող է մարդուն էյֆորիկ, էներգիայի հանկարծակի ալիքների և նույնիսկ անխոցելիության զգացում առաջացնել:  «Խնդիրն այն է, որ Դեքսամետասոնը կարող է մարդուն վերածել պարանոյիկի: Եթե նա գիշերվա կեսին հրաման տա, և ոչ ոք նրան չկանգնեցնի, ամեն ինչ կախված կլինի նրա ռազմական օգնականի պատրաստվածությունից։ Միջուկային զենքի կոճակին չպետք է դիպչի նախագահի մատը, ով այդպիսի դեղամիջոցներ է ընդունում», - ամփոփել է փորձագետը: