«Հրապարակ». Ովքեր են հայտնվում Ադրբեջանի «սեւ ցուցակում»
Հայկական Մամուլ
«Հրապարակ» թերթը գրում է. «Ադրբեջանի գլխավոր դատախազությունը քրեական գործ է հարուցել ՌԴ քաղաքացի, ռազմական լրագրող Սեմյոն Պեգովի՝ WarGonzo նախագծը ստեղծողի դեմ, որն այս օրերին մեր եւ միջազգային լրատվության համար արժեքավոր տեղեկատվություն է ապահովում։
Լրագրողին մեղադրում են այն բանում, որ նա Լեռնային Ղարաբաղ է մուտք գործել Հայաստանից։ Մարդիկ, ովքեր հայտնվում են Արցախում՝ առանց պաշտոնական Բաքվի թույլտվության, ավտոմատ կերպով համարվում են անցանկալի անձ եւ ներառվում Ադրբեջանի սեւ ցուցակում։
Նրանց սպառնում է քրեական պատասխանատվություն։ Պեգովին մեղադրել են ահաբեկչության, պետության դեմ պայքարի հանրային կոչեր անելու եւ Ադրբեջանի պետական սահմանն անօրինական կերպով խախտելու համար։
Ադրբեջանը պաշտոնական գրություն է ուղարկել Ռուսաստանի համապատասխան կառույցներին՝ իր քաղաքացու դեմ քրեական հետապնդում սկսելու մասին»։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
